Сәләткә нур булган йолдызлар

Flüs Latıyfi isemendäge «Sälätkä nur bulgan yoldızlar» açık ädäbi konkursnıñ maksatı – talantlı yaş awtorlarnıñ tatar ädäbiyatı ölkäsendäge icadi potentsialın üsterüdä bulışlık kürsätü.

Konkurs üz aldına tübändäge burıçlarnı kuya häm gamälgä aşıra:

– ädäbiyat ölkäsendä sälätle balalarnı häm yaşlärne barlau, alarga icadi yaktan kamilläşüdä, üsüdä yardäm kürsätü;

– balalarda häm yaşlärdä estetik zäwık häm ädäbi mädäniyatkä mäxäbbät tärbiyaläü;

– sälätle yaş yazuçılarnıñ igtibarın xäzerge zaman tatar ädäbiyatına häm tatar xalkınıñ ruxi mirasına yunälderü;

– talantlı yazuçı häm «Sälät» oeşması katnaşuçılarınıñ ostazı tanılgan tatar yazuçısı Flüs Latıyfinıñ isemen Sälät moxitendä yañgıratu häm yaşätü;

– sälätle yaşlärne Sälät oeşması proektlarına cälep itü.

Konkurs tübändäge nominatsiyalär buença ütkärelä: 

– şigriyat; 

– çäçmä äsär; 

– balalar ädäbiyatı; 

– dramaturgiya; 

– publitsistika; 

– ädäbi tänkıyt; 

– «Böek Bilär ruxı yaşi küñeldä» (gailä isemennän kollektiw gariza birü röxsät itelä torgan maxsus nominatsiya); 

– «Min gorurlanam» (Böek Watan sugışında ciñüneñ 80 ellıgına bagışlangan maxsus nominatsiya).

Konkursnıñ kazıylar şurasına Tatarstan Respublikası Yazuçılar berlege ägzaları, tanılgan şagıyrlär häm prozaiklar, kürenekle jurnalistlar häm mädäniyat eşlekleläre kerä. Konkursnıñ näticäläre baş kazıy imzalagan protokol belän raslana.

Konkursta 7 yaştän alıp 25 yaşkä kadär bulgan sälätle mäktäp balaları häm belem birü oeşmaları studentları katnaşa ala.
⠀ 
Garizalar 2 aprelgä kadär kabul itelä. Konkursnıñ nigezlämäse belän monda tanışa alasız. 

Gariza birergä.