«Сәләт-Монреаль» халыкара лагере

2017-nçe elda berençe tapkır «Sälät-Monreal» alanı eşli başlayaçak.

«Sälät-Monreal» xalıkara uku-ukıtu häm sälamätländerü lagere Tatarstan Respublikası Prezidentı Röstäm Nurgali ulı Miñnexanow yardäme belän Kanadanıñ Monreal şähärendä uzdırıla. 

«Sälät-Monreal» alanında katnaşuçılarnı saylau konkursı (monnan soñ – Konkurs) urta gomumbelem birü, urta hönäri häm yugarı belem birü oeşmalarında ukuçı balalar häm yaşlär, Tatarstan Respublikasında eşläüçe 14-35 yaştäge yaşlär arasında ütkärelä. 

Konkursnıñ töp maksatı – Tatarstan Respublikasınnan häm Räsäy Federatsiyaseneñ başka töbäklärennän sälätle balalarga häm aktiw yaşlärgä üsü öçen mömkinleklär tudıru.

Konkursnı ütkärü berniçä etaptan tora

1-nçe etap – «Çitttän torıp saylap alu etabı»: konkursta katnaşu öçen gariza yullau. Bu etapta komanda ägzalarınıñ portfolioların äzerläp, portfolio-selet.ru saytında maxsus formanı tutırırga kiräk. «Çittän torıp saylap alu etabı»nda «Sälät» proektlarında kayçan häm kem bularak katnaşu xakında mäglümat birü möhim (sälkeş, äydaman, başcitäk, ukıtuçı h.b.).

2-nçe etap – «Turıdan-turı saylap alu etabı»: gariza tutırgan härber katnaşuçı belän äñgämä.

3-nçe etap – «Turıdan-turı saylap alu etabı»: komanda tuplapKonkurs biremnären ütäü

4-nçe etap – «Super final»

5-nçe etap – «Näticälär yasau. Ciñüçelärne bilgeläü».

Konkursnıñ etapların ütkärü, alarga bäya birü öçen Ekspertlar sowetı oeştırıla. Ekspertlar sowetı sostawın «Sälät» TRYaIF general direktorı raslıy. 

Ekspertlar sowetınıñ ägzaları Tatarstan Respublikasınıñ, Räsäy Federatsiyaseneñ başkarma häm kanun çıgaru xakimiyate, Tatarstan Respublikasınıñ ictimagıy oeşmaları wäkilläre, cämägat eşleklelärennän tözelä.

Rukowodstwo