Бүген "Сәләт-Раушан" үзенең эшенә йомгак ясый. Сәлкешләр 18 көн буена йөргән дәресләрдә һәм мастер-классларда ниләр үзләштергәнен, нинди яңа белемнәр алганын презентацияли, шулай ук үткәрелгән кичке чараларга һәм Биләрдә узган чараларга йомгак ясала.
Быел "раушан"лылар журналистика, "кызыклы астрономия", физика, математика, табигать фәннәре, телләр укыды.
Мастер-класслар да кызыклы булды: анимация, ораторлык осталыгы, бию, фото һәм рәсем осталыгы, җыр, КВН һ.б.
Алган белемнәрен күрсәтү белән бергә сәлкешләр укытучыларына рәхмәтләрен дә җиткерә.
Киләсе смена - "Санак" төгәл фәннәргә һәм компьютер программалары белән эшләү осталыгына багышланган булачак.
