«Фәнсар» мәктәбе конференциясенең читтән торып катнашу этабы тәмам ← кире кайтырга
15-нче гыйнвардан 15-нче майга кадәр М.И. Мәхмүтов исемендәге «Фәнсар» мәктәбе конференциясенең читтән торып катнашу этабы узды.
Катнашучылар үз эшләрен һәм видеочыгышларын җибәрде. Фәнни эшләр өч юнәлештә кабул ителде:
- Галәм, Җир шары һәм табигатькә караган фәннәр (физика, химия, биология, экология);
- Кеше һәм җәмгыять турындагы фәннәр (икътисад, социология, психология, татар теле, тарих);
- Тасвирлау, модельләштерү фәннәре һәм гамәли фәннәр (семиотика, математика, информатика).
Безнең экспертлар кайбер эшләрне аерым билгеләп үтүгә лаек дип тапты (аларның исемлеген бу язма ахырында китерәбез). Бу исемлектәгеләрне һәм конференциядә катнашкан барлык кешене котлыйбыз! Хезмәтегез өчен рәхмәт белдерәбез! Бүген һәр катнашучының электрон почтасына сертификатлар, ә исемлектәге эшләрнең авторларына дипломнар җибәреләчәк.