Биләрдә Сәләт активистлары мәктәбе үтәчәк ← кире кайтырга

29-нчы сентябрь – 1-нче октябрь аралыгында, Биләрдәге «Фәнсар» фән һәм мәгариф үзәгендә Сәләт активистлары мәктәбе узачак.

Җәйге проектлар ахырына якынлашты: аланнар, форум, фестивальләр. Тик алардан башка да Сәләт берләшмәсендә чаралар байтак. Алар ел әйләнәсе Сәләт йортында, «Фәнсар» фән һәм мәгариф үзәгендә һәм башка мәйданчыкларда уза. Әлеге чараларда син дә үзеңне күрсәтә аласың!

Сәләт активистлары мәктәбе кысаларында син чаралар үткәрү өлкәсендә тәҗрибә туплый алачаксың. Рөстәм Бикмуллин исемендәге Республикакүләм «БикаФест» яшьләр җыр-шигърият фестивале; ел саен уздырылучы Республикакүләм «Сәмрух» сәләтле балалар һәм талантлы яшьләр премиясе; Мирза Исмаил улы Мәхмүтов исемендәге «Фәнсар» мәктәбе; Сәләт медиа-мәктәбен үткәрү һәм оештыру турында без сезгә биредә сөйләрбез!

Әгәр дә син урта һөнәри яки югары белем бирүче уку йортында укыйсың, Сәләт активисты һәм үсешеңне безнең берләшмә белән бәйләргә уйлыйсың икән – сине көтеп калабыз! Мәктәптә проект җитәкчеләре безнең белән бергә ачылачак мөмкинлекләр турында җиткерер!

Сәләт клубы президенты Игорь Смирнов:

-         Студентлык чоры – ике, кайвакыт өч куян койрыгын тоту өчен әйбәт вакыт. Әйбәт уку белән беррәттән актив булырга да кирәк. Тормышта актив булу сиңа кирәкле танышлыклар, үзеңне күрсәтү мөмкинлеген бирә. Сәләт активистлары мәктәбе – үзеңә кызыклы булган юнәлешне сайлау, шәхес буларак үсү мәйданчыгы. Барлык теләк белдерүчеләрне көтеп калабыз! Сине – беренче чиратта! Әйе-әйе, нәкъ менә сине!

Катнашу өчен гариза калдыр!