Бик тиздән XII Казан Халыкара мөселман киносы фестивале кысаларында яшь талантлар өчен VIII Казан Халыкара кино сөючеләр, яшьләр һәм балалар киносы фестивале дә үтәчәк. 

Чараны Татарстан Республикасының мәдәният министрлыгы, Казан дәүләт мәдәният институты һәм «ИМАН ФИЛЬМ» продюсерлык үзәге оештыра. Фестивальне уздыруда Казан халыкара мөселман киносы дирекциясе, Татарстан Республикасының иҗтимагый палатасы, Рәсәйнең кинематографлар берлеге, Татарстанның төбәкара «Бердәм Россия» советы, «Живой город» заманча сәнгать фонды, «Студентлар лигасы» иҗтимагый оешмасы да катнаша. 

Фестивальнең катнашучыларын иң әйбәт Рәсәй һәм чит ил кинематографларыннан кызыклы воркшоплар, остаханәләр һәм иҗади очрашулар көтә. Әлеге чара Татарстанда 2009-нчы елдан бирле уздырыла. Фестиваль республикабыз башкаласында көзнең мәдәни сезонын ачып җибәрә, яшь кинематографлар өчен беренче мәйданчык һәм очрашу урыны да булып тора. Аны үткәрү барышында ничә буын кино төшерүчеләр тәрбияләнде, төп нәтиҗәсе булып Татарстан Республикасында "Рәсәй Федерациясенең кинематографлар берлеге" барлыкка килде. 

Фестиваль инде күп тапкырлар катнашучыларын программасының үзенчәлекле булуы белән шаккатырды. 2014-нче елда фестиваль кысаларында воркшоп үтте - биредә катнашучылар нибары 4 көн эчендә тулы бер фильм төшереп өлгерделәр. 2015-нче елда республикабызда кинопроектларның питчингы узды. Ул Бөтенрәсәй «Кинохакатон» питчингының төбәкара этабы булып торды (финалы Екатеринбург шәһәрендә, ноябрьдә үткән иде). Әлеге питчинг катнашучыларга үз проектларын тәкъдим итү мөмкинлеген бирде, аның ярдәмендә алар инвесторлар таба алдылар. 


Шулай ук фестиваль яшь талантларда кинематографиягә кызыксыну уятарга ярдәм итә, Казан дәүләт мәдәният институтының кино һәм телевидение факультетына укырга керергә булыша.