Сәләт – үсәргә мөмкинлекләр бирүче мохит. Моны үзләрендә сынап караган, бүгенге көндә Сәләт ветераннары советы әгъзасы, бәхетле әти-әни булырга өлгергән элеккеге сәлкешләр үзләренең сабыйларын Сәләт дөньясына җәлеп итмәкче була. 2014-нче елда III Халыкара яшьләр уку-укыту Сәләт форумы кысаларында беренче тапкыр Бәләкәч балалар бакчасы эшләде. Изге Биләр җирендә алар беренче тапкыр Сәләт мохите белән танышты, сменалары хакында белде. Боларның барысы хакында да «Астан караш» («Взгляд снизу») ролигы серияләрен карап белә аласыз.