Лагеря на карте
Азнакай
«Сәләт-Азнакай» интеллектуаль һәм иҗади алан Азнакай районы сәләтле балаларына күпкырлы «Сәләт» дөньясында гизү мөмкинлеге бирә.
Рухият
Балаларның сәләтләрен ачуга һәм аларны сәнгатькә ияләштерүгә юнәлтелгән иҗади алан.
Батыр
«Сәләт-Батыр» аланы телләр һәм сәнгать белән кызыксынучы сәләтле яшьләрне берләштерә.
Раушан
Бу аланның төп юнәлеше - олимпиадаларда, республика һәм Бөтенрәсәй бәйгеләрендә җиңүгә лаек булган балаларны интеллектуаль яктан тагын да үстерү.
Шәхес (КВН)
«Сәләт-Шәхес» уку-укыту һәм сәламәтләндерү аланы программасы балаларның иҗади мөмкинлекләрен ачу һәм тормышта үз урыннарын табарга ярдәм итүне күздә тотып төзелә.
Иске Казан
Әлеге алан татар халкыбызның гореф-гадәтләрен саклап калуга, туган як тарихын өйрәнүгә һәм һөнәрчелек сәнгатен үстерүгә юнәлдерелгән.
Тел
Аланда Россиякүләм, Халыкара конкурсларда, олимпиадаларда җиңеп, портфолиолар конкурсы нигезендә сайлап алынган 220 сәләтле бала катнаша.
Санак
Аланның төп юнәлеше – санак технологияләрен, дизайнга төбәлгән программаларны, программированияне, журналистиканы һәм тагын да башка интеллектуаль яктан үстерүгә юнәлгән программаларны балаларга өйрәтүне үз эченә кертә.
Биләр каласы
«Сәләт» яшьләр хәрәкәтенең төп бурычларының берсе — татар халык тарихын һәм сәнгатен өйрәнү, мәдәни ядкарьләребезне саклау. Алексеевск районы хакимияте ярдәме белән Биләр тарихи-мәдәни тыюлыгында балалар савыктыргыч лагеренда уздырылып килүче «Сәләт-Биләр каласы» уку-укыту һәм сәламәтләндерү аланы эшне нәкъ менә шушы юнәлештә алып бара. Алан эшчәнлегенең төп юнәлеше — тарих, археология, һөнәрчелек, экология.
Тулпар
«Сәләт-Тулпар» 2019 елда Башкортостан Республикасында, Туймазы районында эшли башлый.
Байлар Сабасы
«Сәләт-Байлар Сабасы» интеллектуаль аланы Саба муниципаль районы җирлегендә уздырыла һәм гуманитар фән олимпиадаларында, иҗади конкурсларда җиңгән мәктәп укучыларын туплый.
Гайрәт
Сменаның төп бурычы – сәләтле балаларга үсеш һәм белем алу өчен җылы атмосфера һәм уңайлы шартлар тудыру.
Яр Чаллы
Аланның программасы балаларның барлык яклап усешенә юнәлгән: актив ял, уку-укыту программасы, остаханәләр, мәдәни чаралар һәм Татарстан Республикасының күренекле шәхесләре һәм яшь лидерлары белән кызыклы очрашулар.
Осталар бистәсе
Кул эшләре сәнгате белән кызыксынучы мәктәп укучылары өчен булдырылган җәйге алан.
Самара
Алан программасы катнашучыларны белем, фән ягыннан да, иҗади яктан да үстерүне максат итеп куя.
Имәнкәй
Ул Алексеевск районының актив балалары, олимпиада җиңүчеләре, спорт һәм иҗат өлкәсендә казанышлар тапкан балалар өчен үткәрелә торган алан.
Болгар-Туган тел
Аланның максаты – татар телен өйрәнүгә яшьләрнең игътибарын җәлеп итү.
Акбүре
«Сәләт-Акбүре» аланы сәләтле балалар һәм үсмерләр өчен интеллектуаль һәм иҗади үсеш мохите булдыруны максат итеп куя.
Олимп
29-нчы май - 7-нче июнь аралыгында «Фәнсар» фән һәм уку-укыту үзәге базасында «Сәләт-Олимп» фән олимпиадаларына һәм БДИга әзерләү сменасы үткәреләчәк.