Җәйне “Сәләт”тә күңелле үткәрик
27.04.2017
Mäktäp ukuçıları da, studentlar da cäyge kanikullarnı zarıgıp kötä. Instagram çeltärendä başkalarnıñ matur fotolarına soklanıp, wakıtıñnı buşka uzdırgançı, sin dä cäeñne aldan planlaştırıp kuy! Tatarstan Respublikasında urnaşkan “Sälät” berläşmäse siña küñelle dä, faydalı da cäy täkdim itä! Bezneñ belän tän genä tügel, küñel dä yal itä. Sälätle balalar häm yaşlär “Sälät” berläşmäse el saen Tatarstan, Başkortstan (“Sälät – Kandrakül”), Çuwaşstanda 20 cäyge alan ütkärä. Bıel alarga Samara ölkäse häm Monreal dä kuşılaçak! “Sälät” cäyge alannarında katnaşu – tatar telebezdä aralaşu, säläteñne açu, yaña belemnär, tanılgan fän häm mädäniyat eşlekleläre belän oçraşu, hönär saylarga yardäm itüçe belgeçlär belän fiker alışu digän süz. “Sälät” berläşmäse här balanıñ şäxsi üseşenä yardäm itä, teräk bula ala! “Sälät”neñ yamle Kandrakül buenda urnaşuçı alanı bıel da balalarnı küñelle yal itügä çakıraçak. Başkortstan däülät uniwersitetı dotsentı Marat Şäripow äytüençä, bıelgı mädäni programma tagın da mawıktırgıçrak bulaçak.Tulırak: Kızıl tañ