«Argamak»ta yal itü – canga häm tängä däwa! kire kaytirga

«Argamak»ta yal itü – canga häm tängä däwa!

Sezgä bezdä oşayaçak: «Argamak»ta yal itü – canga häm tängä däwa!        

Sälätneñ bazaları belän tanıştıruıbıznı däwam itäbez. Çiratta - XXI gasırda tözelgän berençe ör-yaña «Argamak» balalar häm yaşlärneñ icadi potentsialın üsterü üzäge. Ul «Cäy – balalarga» respublika programmasına nigezlänep tormışka aşırıldı.

Yaña bazada barlıgı 30-ar urınga isäplängän 3 yaşäü korpusı, aşxanä, meditsina punktı, sport mäydançıkları (futbol, woleybol, workaut zonası), açık säxnä bar. Soñgısı Forumnıkına oxşatıp tözelgän! Ozaklamıy amfiteatr häm munça da bulaçak. Bülmälär 5 balaga isäplängän. Härbersendä duş, bädräf bar.

Äle monıñ belän genä çiklänmi! Tabigate dä gacäep! «Argamak» bazası urnaşkan Kama Tamagı bistäse Idelneñ matur peyzajları, balıklı urınnarı, tabigıy baylıkları belän dä tanılgan. Tarixi häykällärgä dä saklanıp kilä: Yurew mägaräse, Lobaç tawı, «Imperator pitomnigı» kebek urınnar bar!

Bu cäydä bazada 5 alan ütäçäk: «Sälät - Manzara», «Sälät - Ruxiyat», «Sälät - Gayrät», «Sälät - Kama» häm «Sälät- Xäzinä». Alarnıñ härberse belän tulırak bezneñ saytnıñ «Alannar» säxifäsendä tanışa alasız! 

Annan soñ, portfolio-selet.ru saytında gariza cibärergä onıtmagız!