«Ostaz» proektınıñ katnaşuçıları isemlege äzer! ← kire kaytirga

Bu elnı Bilär däülät tarixi – arxeologik muzey-tıyulıgı territoriyasendä Tatarstan Respublikası Räise Röstäm Nurgali ulı Miñnexanow kuşuı buença ütkärelä torgan «Sälät» XIV Xalıkara yaşlär mägarif forumınıñ «Sälät Bilär Forum» smenasınıñ ber öleşe bularak 9 iyul - 12 iyul könnärendä «Ostaz» proektı üz eşen alıp baraçak.

Proektnıñ 3 nçe etabında («Forumda katnaşu etabı») ekspertlardan ostaxanälär, treninglar, proekt törkemnärendä eşläü, tügäräk östäl, intellektual häm icadi çaralarnı üz eçenä algan «Ostaz» proektınıñ mägarif häm mädäni programmaları kötelä.

Katnaşuçılar ekspertlardan faydalı mäglümat häm kiñäşlär alaçak, üz sälätlären kürsätäçäk, uku häm mädäni çaralarda katnaşıp, ostalıkların arttıraçak. Şulay uk proekt alarga başka katnaşuçılar häm belgeçlär belän eşlekle häm mädäni duslık mönäsäbätläre urnaştırırga, täcribäläre belän büleşergä häm kiläçäktä üsü öçen etärgeç alırga yardäm itäçäk.

«Ostaz» proektı – ul:

·        hönäri häm şäxsi üseş;

·        xezmättäşlär belän täcribä urtaklaşu;

·        ekspertlardan unikal belem häm kiñäşlär alu;

·        bay uku-ukıtu häm mädäni programma;

·        programmanı uzu turında sertifikat alu.