Altınçı smena Rossiya mäktäp ukuçıları xäräkäte belän berlektä uzaçak ← kire kaytirga

29 iyul – 2 awgust könnärendä Bilär muzey-tıyulıgında X Xalıkara «Sälät» yaşlär uku-ukıtu forumınıñ altınçı smenası ütäçäk. LEADERS BILER FORUM Rossiya mäktäp ukuçıları xäräkäte belän berlektä oeştırıla.

Smena kısalarında «Ekotrend» bötenrossiya smenası uzaçak. Federal däräcädäge çarada ilneñ 20 töbägennän kilgän 1200 aktiwist katnaşa. Akterlık ostalıgınnan başlap SMM  nigezlärenä kadär – ukuçılar öçen törle cämägat oeşmaları wäkilläre häm belgeçlärdän master-klasslar oeştırılaçak.

Rossiya mäktäp ukuçıları xäräkäteneñ proektlar awtorları balalarga hönär saylarga, maksatlar kuyarga yardäm itüçe kızıklı programmalar äzerli. 

«Sälät» Rossiya mäktäp ukuçıları xäräkäte belän berlektä inde dürtençe el rättän eşli. Bıel Tatarstanga älege oeşmanıñ ekologiya yunäleşe wäkilläre kiläçäk. 300 yaş ekolog dönyaküläm problemalarnı çişü yulların ezli häm tabigat belän garmoniyadä yaşärgä öyränä.

Smenada «Närsä? Kayda? Kayçan?» intellektual turnirı uzaçak. Anı uennıñ telewizion wersiyase belgeçe Olga Bıkowa alıp baraçak.

Teläge bulgan härkem öydän çıkmıyça gına da Sälät moxiten tatıy alaçak. «SeletLive» dip atalgan unikal proekt forum yañalıkları belän onlayn-rejimda tanıştıra. Turıdan-turı translyatsiyalärne Sälätneñ YouTube Instagram häm WKontaktedagı räsmi akkauntlarında kararga bula.

Smenanıñ räsmi açılışı 30 iyuldä bulaçak. Çarada Rossiya Prezidentınıñ Idel bue federal okrugındagı Tulı wäkalätle wäkile urınbasarı Oleg Maşkowtsew, Tatarstan Respublikası Ekologiya häm tabigıy resurslar ministrı Aleksandr Şadrikow, Rossiya mäktäp ukuçıları xäräkäteneñ başkarma direktorı Irina Pleşçewa, Tatarstannıñ yaşlär eşläre ministrı Damir Fättaxow katnaşuı kötelä.