May turında kıskaça! ← kire kaytirga

Yaznıñ iñ nazlı, koyaşlı häm cılı ae bik produktiw häm küñelle uzdı, çönki «Sälätle cäy - 2025» üz eşçänlegeneñ kulminatsion noktasına yakınlaşa.

·         «Sälätle cäy» mäktäplärdä kunakta

Sälät belän cılı oçraşular däwam itte! «Miras»,  «Olimp» häm «Ostalar bistäse» alannarı komandaları «Adımnar – Alabuga» häm «Adımnar – Tübän Kama» polilingwal mäktäpläre ukuçıları belän küñelle oçraşular oeştırdılar häm alarga «Sälätle cäy», anıñ üzençälekläre, cäen biredä yal itü mökinlege turında söylädelär!

·         IXO illäreneñ XI Kazan yaş eşmäkärlär forumı

13 - 18 may könnärendä Kazanda XVI Xalıkara iktisadıy «Rossiya – Islam dönyası: KazanForum» forumı kısalarında IXO illäreneñ XI Kazan yaş eşmäkärlär forumı uzdı. Xalıkara iktisadıy forum çaralarında 96 il häm Rossiyaneñ 82 töbäge wäkilläre katnaştı, eşlekle programmada forumnıñ 8,5 meñ kunagı katnaştı. 2025 elda XI Kazan yaş eşmäkärlär forumınıñ töp teması bulıp erak territoriyalärdä (keçe şähärlärdä häm awıl cirlärendä) eşmäkärlek bilgelände.

·         «Mirax» intellektual klubınıñ «Final uenı» turnirı

18 may könne Sälät yortında yugarı intellekt, kreatiwlık, uyçan karaşlar, berdämlek xisläre, ciñü şatlıgı xökem sörde, çönki biredä «Mirax» intellektual klubınıñ final turnirı uzdı. Katnaşuçılar älege çarada aktiwlık kürsätte, ä ciñüçelär diplomnar häm istälekle büläklärgä iya buldı.

·         «Hönärlär Bilär Forum» garizalar kabul itä!

17 - 23 iyul könnärendä Bilär tarixi-arxeologik muzey tıyulıgı territoriyasendä uzaçak XIV Xalıkara yaşlär uku-ukıtu forumınıñ ikençe smenası – Hönärlär Bilär Forumga garizalar kabul itü kampaniyasenä start birelde! Bu elnıñ unikal yañalıgı: smena programması balalar, yaşlär häm alarnıñ ostazlarınıñ öç yunäleş buença: icat, media, mäglümati texnologiyalär yunäleşlärendä – potentsialın açıklau, gamälgä aşıru häm üsterü öçen unikal mäydançık bularak oeştırılaçak! Tulırak: https://selet.tatar/tat/news/-n-rl-r-bil-r-forum-prinimaet-zayavki/

·         «Ostaz» proektına kuşıl!

Bu elnı Bilär däülät tarixi – arxeologik muzey-tıyulıgı territoriyasendä Tatarstan Respublikası Räise Röstäm Nurgali ulı Miñnexanow kuşuı buença ütkärelä torgan «Sälät» XIV Xalıkara yaşlär mägarif forumınıñ «Sälät Bilär Forum» smenasınıñ ber öleşe bularak 9 iyul - 12 iyul könnärendä «Ostaz» proektı üz eşen alıp baraçak. «Ostaz» proektınıñ töp maksatı – mägarif ölkäsendä pedagoglarnıñ häm idaräçelärneñ hönäri häm şäxsi üsterü häm täcribä urtaklaşu öçen, respublika mägarife öçen aktual mäsälälärne çişü öçen innowatsion çişeleşlär ezläü, mägarif ölkäsendä tatar telen saklap kalu häm taratu mäydançıgın buldıru. Tulırak: https://selet.tatar/tat/news/proekt-ostaz-ploshchadka-znaniy-i-opyta/

·         «Almagaç» Sälät mäktäbendä 2024/2025 uku elı tögällänügä bagışlangan tantana

Uku elına näticälär, şäcärälär kürgäzmäse, 4 saf ukuçılarına başlangıç mäktäpne tämamlau turında tanıklık tapşıru, iñ aktiw ukıtuçılarnı häm gailälärne büläkläü – «Almagaç» Sälät mäktäbendä 2024/2025 uku elı tögällänügä bagışlangan zur tantana uzdı!

·         «D’art» xor studiyaseneñ yazgı kontsertı

«D’art» xor studiyase kontsertnıñ här tamaşaçısına sixri muzıka däryasına çumarga mömkinlek birde. Biredä tanılgan häm barıbız yaratıp ölgergän muzıkal kompozitsiyalär başkarıldı, xor studiyaseneñ citäkçese Adelya Maxmutowaga häm xor katnaşuçılarına räxmät süzläre häm därräü alkışlar yañgıradı.

·         «Almagaç bakçası» häm «Olimp» smenaları start aldı

«Sälätle cäy - 2025» kampaniyaseneñ berençe smenaları başlanıp kitte! «Sälät-Batır» bazasında «Almagaç bakçası» sälkeşläre tatar tele häm mädäniyaten öyränä, ä «Fänsar» bazasında «Olimp» alanı sälkeşläre fänni belemnären nıgıta. Mawıktırgıç uku-ukıtu programması, zamança icadi çaralar, inde yaratıp ölgergän äydamannar häm yakın duslar moxite, hiçşiksez, sälkeşlärneñ käefen kütärä!

Kanikullarıñnıñ onıtılmaslık buluın teläsäñ, sin dä Sälätle cäygä räxim it!