Iyun turında kıskaça! ← kire kaytirga

Cäyneñ berençe ae meñlägän sälkeşlärne söenderde, sälätle cırlar, köçle sörännär ilebezneñ törle noktalarında yañgıradı...

«Sälätle cäy - 2025» kampaniyaseneñ cäyge profille alannarı eşçänlege, iyun aenda uzgan Sälätneñ icadi çaraları turında istäleklärne bergäläşep yañartıyk!

·       Berençe cäyge profille Sälät alannarı

«Sälätle cäy - 2025» yal itü kampaniyase üz eşçänlegen aktiw räweştä başlap cibärde! Iyun aenda Sälätneñ berençe cäyge alannarı: «Tel», «Miras», «Ostalar bistäse», «Manzara» Tatarstan Respublikasınıñ törle rayonnarınnan häm kürşe töbäklärdän kilgän sälätle balalarnı bergä cıydı. Balalar törle tellär häm illär belän tanıştı, tatar tele, tarixı häm mädäniyate üzençäleklären öyrände, media häm injenerlık ölkäsendäge ostalıkların üsterde, mawıktırgıç uku-ukıtu programmasınnan tış, alar aktiw uennar uynap, icadi çaralarda katnaştı. Tulırak: «Sälät, ex, şäp!»

·       «Tamırlar» muzıkal kontsertı

20 iyun könne G.Kamal isemendäge Tatar däülät Akademiya teatrı säxnäsendä «Näürüz» festiwale kısalarında unikal «Tamırlar» muzıkal kantatası uynaldı! Kantatanıñ nigezenä şagıyr Söläymannıñ şul isemle poeması salıngan. Kantata sängat ostalarınıñ tulı ber buını başkaruında yañgıradı. Çaranıñ masştabları, moñ agışı häm här başkarılgan köy tamaşaçılarnı ruxlandırdı! Tulı zal başkaruçılarga bik ozak alkışladı! Tulırak: https://selet.biz/tat/news/prazdnik-iskusstva-talanta-i-istorii/

·       «Sälätle cäy»neñ töp alannarı startı

«Rauşan», «Bilär kalası», «Ruxiyat», «Gayrät», «Aznakay», «Saba» alannarı, kolaç cäep, yaratkan sälkeşlären karşı aldı!18 kön däwamında alar yaratkan äydamannarı yanında alannıñ yunäleşenä karagan ölkädä yaña belemnär üzläşterep, üz sälätlären kamilläşteräçäk, aktiw şäxes bulıp formalaşaçak. Saf hawadagı uennar, sport yarışları, icadi kiçke çaralar, törkem wakıtları häm, älbättä, Forumga baru mizgelläre alarnıñ yalların produktiw häm onıtılmaslık itäçäk. Alannarnıñ köndälek çaraların bezneñ sotsial çeltärlärdä karap barırga mömkin.

·       «Bolgar – Tugan tel» alanı eşçänlege

Töbäkara «Bolgar–Tugan tel» alanı – tatar telen, mädäniyaten häm tarixın öyränügä bagışlangan, törle töbäklärdän kilüçe yözlägän sälätle balalarnı berläşterüçe, alarnıñ tatar telle moxittä milli traditsiyalärebezne üzläşterü maksatın küz aldında totuçı unikal lager. Alan 29 iyunnän başlap 5 iyulgä kadär Bilär cirendä 400 gä yakın sälkeşlärne berläşteräçäk. Smena törle tematik bloklarga bülengän mädäni häm belem birü çaralarınnan tözelgän: tarix, tatar tele, milli biyu, wokal däreslären häm kul eşläre ostaxanälären üz eçenä ala.

·       «Şayan» telekanalında kunakta

«Sälätle cäy» üzäge citäkçese Ayaz Xanafin «Şayan» balalar tapşıruında Hönärlär Bilär Forumnıñ yañalıkları belän büleşte! Ul Forumnıñ 3 unikal yunäleşe häm garizalar niçek kabul itelüe turında tulırak söyläde. Ä «Galäm» cäyge profille Sälät alanı direktorı Islam Mirgayazow cäyge yal itü kampaniyase, «Galäm» alanınıñ üzençälekläre turındagı barlık kızıksındırgan soraularga cawap birde.