«Ostaz» proektı — belem häm täcribä mäydanı! ← kire kaytirga
Unikal yañalık! Bu elnı Bilär däülät tarixi – arxeologik muzey-tıyulıgı territoriyasendä Tatarstan Respublikası Räise Röstäm Nurgali ulı Miñnexanow kuşuı buença ütkärelä torgan «Sälät» XIV Xalıkara yaşlär mägarif forumınıñ «Sälät Bilär Forum» smenasınıñ ber öleşe bularak 9 iyul - 12 iyul könnärendä «Ostaz» proektı üz eşen alıp baraçak.
«Ostaz» proektınıñ töp maksatı – mägarif ölkäsendä pedagoglarnıñ häm idaräçelärneñ hönäri häm şäxsi üsterü häm täcribä urtaklaşu öçen, respublika mägarife öçen aktual mäsälälärne çişü öçen innowatsion çişeleşlär ezläü, mägarif ölkäsendä tatar telen saklap kalu häm taratu mäydançıgın buldıru.
Katnaşuçılar ekspertlardan faydalı mäglümat häm kiñäşlär alaçak, üz sälätlären kürsätäçäk, uku häm mädäni çaralarda katnaşıp, ostalıkların arttıraçak. Şulay uk proekt alarga başka katnaşuçılar häm belgeçlär belän eşlekle häm mädäni duslık mönäsäbätläre urnaştırırga, täcribäläre belän büleşergä häm kiläçäktä üsü öçen etärgeç alırga yardäm itäçäk.
Proekt 3 etapta uzdırılaçak:
1 nçe etap – «Katnaşuçılardan garizalar kabul itü»: 2025 elnıñ 26 nçı maennan 20 nçe iyunenä kadär. Garizalar http://biler.selet.biz/ru saytında bilgelängän formada kabul itelä. Garizada wideoyazma bulırga tieş.
2 nçe etap – «Çittän torıp saylap alu etabı»: 2025 elnıñ 21 nçe iyunennän 26 nçı iyunenä kadär. Proektta katnaşuçılarnı konkurs buença saylap alu ekspert komissiyase tarafınnan gariza, anda kürsätelgän kazanışlar häm wideomateriallar nigezendä ütkärelä.
3 nçe etap – «Forumda katnaşu etabı»: 2025 elnıñ 9 nçı iyulennän 12 nçe iyulenä kadär. Ekspertlardan ostaxanälär, treninglar, proekt törkemnärendä eşläü, tügäräk östäl, intellektual häm icadi çaralarnı üz eçenä algan «Ostaz» proektınıñ mägarif häm mädäni programmalarında katnaşu.
Yomgaklar buença katnaşuçılarga programma uzu turında akademik sägatlär sanı kürsätelgän sertifikat bireläçäk.
Proekt «Sälät» Tatarstan töbäk yaşlär fondı tarafınnan Tatarstan Respublikası Yaşlär eşläre ministrlıgı häm Tatarstan Respublikası Alekseewsk munitsipal rayonı belän berlektä oeştırıla.
Tulırak katnaşu şartları belän nigezlämädä tanışırga mömkin. Gariza cibärü öçen sıltama.