«Sälät, ex, şäp!» ← kire kaytirga
«Sälätle cäy - 2025» yal itü kampaniyase üz eşçänlegen aktiw räweştä başlap cibärde! Iyun aenda Sälätneñ berençe cäyge alannarı: «Tel», «Miras», «Ostalar bistäse», «Manzara» Tatarstan Respublikasınıñ törle rayonnarınnan häm kürşe töbäklärdän kilgän sälätle balalarnı bergä cıydı.
Dönyanıñ iñ populyar tellären öyränergä teläüçelär öçen Sälätneñ maxsus alanı bar – «Tel». Bu elnı älege alanda 240 bala yal itte, 17 ostaz däreslär alıp bardı häm 8 tel öyränelde. «Tel» alanınıñ töp maksatı – balalarda tellär öyränügä kızıksınu uyatu. Älege cäyge profille Sälät alanı menä inde distä eldan artık şuşı yunäleştä uñışlı eşläp kilä.
Smena däwamında uku-ukıtu programmasına aeruça zur igtibar birelä. Uku-ukıtu programması ike yunäleşkä bülende: tatar telen häm här bala üze saylap algan çit telne öyränü. Sälkeşlär şuşı yunäleşlärdä täcribä tuplagan studentlardan, eşläüçe hönäri belgeçärdän, täcribäle ukıtuçılardan belemnär aldı. Däres wakıtında ukuçılar tel öyränep kenä kalmıyça, illär belän tanışıp, alarnıñ mädäni üzençälekläre turında da mäglümat aldı. Monnan tış, sälkeşlär üzlären akterlık ostalıgında, şigriyat häm zamança künekmälär üzläşterü ostaxanälärendä sınap karadılar häm alarnı icadi kiçke çaralarda kürsättelär.
«Manzara» – Tatarstan Respublikası häm annan tış töbäk balalarınıñ sälätlären açıklauga, ul sälätlärne tormışta häm hönäri eşçänlektä, aeruça media ölkäsendä, döres kullanırga öyrätügä yunältelgän cäyge profille Sälät alanı. Smenanıñ unikallege şunda ki, biredä 4 töp yunäleş buença 2 uku-ukıtu blogı eşläp bardı – wideo töşerü häm wideomontaj, foto-eş, grafik dizayn, jurnalistika häm SMM. Uku-ukıtu programmasınıñ näticäse bularak katnaşuçılar yomgaklau proektları äzerlädelär – proekt kısalarında alar unikal saytlar yasadı häm üz temalarınnan çıgıp anı formalaştırdı.
Uku-ukıtu programması mädäni programma belän bergä ürelep bardı. Mäsälän, smenanıñ töp çaralarınıñ berse – icadi laboratoriyalärneñ wideoların kürsätü häm ciñüçelärne açıklau ide. Kızıklı uennar häm törle yunäleştäge (sport, mädäni, intellektual h.b.) mawıktırgıç kiçke çaralar yardämendä sälkeşlärneñ aralaşuı, yaña tanışlar häm duslar tabuı öçen uñaylı şartlar tudırıldı.
«Ostalar bistäse» — injenerlık ostalıgı yunäleşendäge cäyge profille Sälät alanı. Smena – texnika, fän häm innowatsiya dönyası belän tanışu öçen unikal mömkinlek. Smena däwamında sälkeşlär däreslärdä algan teoretik belemnäre nigezendä robotlar, törle caylanmalar, mexanizmnar tözedelär, injenerlık häm icadi ostalıknı berläşterüçe unikal proektlar buldırıp, dekoratiw-gamäli sängat belän şögılländelär.
Mawıktırgıç uku-ukıtu programması barışında balalar biş törkemgä bülenep, ike kön däwamında härber däres belän yakınrak tanışıp çıktı: robot texnikası, 3D-modelläşterü, maketlaştıru, programmalaştıru häm sänägat dizaynı. Barlık däreslärne uzgannan soñ, balalar üzlärendä aeruça kızıksınu uyatkan predmetlarnı saylap, şuşı yunäleştä yaña belemnär üzläşterde häm üz proektların buldırdı. Smena törle mädäni-küñel açu çaraları belän ürelep bardı: sport, icadi häm intellektual çaralar. Biredä här katnaşuçı üzen kürsätä, üzeneñ unikal sälätlären aça häm üzeneñ potentsialın kürsätä aldı.
«Miras» alanı tatar tarixına, telenä häm mädäniyatenä bagışlangan üzençälekle smena. Alannıñ töp maksatı – balalarnıñ icat eşçänlege aşa tatar xalkınıñ mädäni, ruxi häm tarixi mirasın üsterü, sälkeşlärgä tatar mädäni mirasınıñ kıymätlären añlatu häm anı alga taba öyränü telägen buldıru öçen uñaylı moxit tudıru.
Monda balalar tatar dönyası turında törle kızıklı formatlarda belem aldılar (multfilmnı tatar telenä tärcemä itü, şäcäräneñ ni ikänen öyränü) häm algan belemnären ostaxanälärdä nıgıta aldılar (kägazdän tübätäy yasau, milli bizäkle alkalar yasau, cırlau, biyu, teatr). Balalarnı mädäni dönyaga alıp kerü maksatı belän törle kızıklı kunaklar da çakırıldı. Alar arasında Tatar yaşlär forumı wäkilläre, Tatarstannıñ atkazangan artistı, K.Tinçurin isemendäge Tatar däülät drama häm komediya teatrınıñ akterı Ilfak Xafizow, muzıkant-multiinstrumentalist, «Alpar» etno-muzıkal törkemeneñ eks-solistı, muzıkant häm borıngı uen korallarında uynauçı Ilyas Färxullin, dirijer, kompozitor Aydar Niyazow, talantlı biyuçe, balerina Kamilä Galiewa ide.
«Sälätle cäy - 2025» kampaniyase üz eşçänlegen däwam itä. Sälätle cäygä kuşılırga äle dä mömkin, katnaşu şartları häm gariza cibärü mömkinlekläre belän tulırak Sälätneñ räsmi saytında tanışırga mömkin. Cäeñne Sälättä ütkär!
