Hönärlär Bilär Forum sine kötä! ← kire kaytirga
18 - 24 iyul könnärendä Bilär tarixi-arxeologik muzey tıyulıgı territoriyasendä XIV Xalıkara yaşlär uku-ukıtu forumınıñ ikençe smenası – Hönärlär Bilär Forum uzaçak!
Bu elnıñ unikal yañalıgı: smena programması balalar, yaşlär häm alarnıñ ostazlarınıñ öç yunäleş buença: icat, media, mäglümati texnologiyalär yunäleşlärendä – potentsialın açıklau, gamälgä aşıru häm üsterü öçen unikal mäydançık bularak oeştırılaçak!
«Icat» yunäleşe kısalarında 3 laboratoriya - «Biyu», «Teatr» häm «Muzıka» eşläyaçäk, alarda katnaşuçılar täcribäle ostazları belän bergä tatar telendä unikal icadi produktlar buldıraçak häm alarnı forumnıñ gala-kontsertında täkdim itäçäk.
«Media» yunäleşe kısalarında 2 laboratoriya - «Wideo» häm «Neyroçeltärlär» eşläyaçäk. «Wideo» laboratoriyasendä media-industriyaneñ äydäp baruçı ekspertları citäkçelegendä katnaşuçılar sotsial çeltärlär, bloglar, turı efirlar, şoular, reportajlar häm kıska formatlar öçen kontent buldıraçaklar, ä «Neyroçeltär» laboratoriyasendä - neyroçeltär texnologiyalären häm yasalma fähem serwisların kullanıp audio, wideo häm surätlär buldıraçaklar.
«Mäglümati texnologiyalär» yunäleşe kısalarında 2 laboratoriya - «Programmalaştıru» häm «Robototexnika» eşläyaçäk, alarda katnaşuçılar fikerdäşläre häm täcribäle ostazları belän berlektä üzläreneñ unikal häm innowatsion IT-produkt - saytlar, botlar, mexanikalaştırılgan caylanmalarnı tözi alaçak. Katnaşuçılarnıñ eş näticäläre forum mäydançıgındagı kürgäzmädä kürsäteläçäk.
Forumnıñ uku-ukıtu programması kısalarında aldıngı, däräcäle ekspertlar belän oçraşular uzaçak, gamäli icat, milli koloritlı dizayn buença ostaxanälär ütkäreläçäk, şulay uk «EkoSälät» maxsus proektı mäydançıgı eşläyaçäk.
Forumda konkurs nigezendä saylap alıngan balalar yaisä 2025 elga eşçänlek turında kileşüläre bulgan töbäk «Sälät» klubları häm «Sälät» klassları liderları katnaşaçak. Konkursnı uñışlı uzgan smena katnaşuçıları isemlegen täkdim itäbez.
Hönärlär Bilär Forumnıñ tärtibe häm şartları turında tulırak nigezlämädä tanışırga mömkin.
Forumda oçraşkanga kadär!