«Sälät» forumında Rossiya mäktäp ukuçıları xäräkäte proektları turında söyläştelär ← kire kaytirga

«Sälät» forumı kısalarında uzuçı Rossiya mäktäp ukuçıları xäräkäteneñ Bötenrossiya «Ekotrend» smenasında plenar utırış uzdı. Çarada Rossiya mäktäp ukuçıları xäräkäteneñ aktual proektları häm alga taba üseşe turında söylädelär. Oçraşuda Rossiya Federatsiyase Prezidentınıñ Idel bue federal okrugındagı Tulı wäkalätle wäkile urınbasarı Oleg Maşkowtsew, Tatarstan Respublikası yaşlär eşläre ministrı Damir Fättaxow häm Rossiya mäktäp ukuçıları xäräkäte başkarma direktorı Irina Pleşçewa katnaştı. Spikerlar Rossiya mäktäp ukuçıları xäräkäte proektları turında fiker alıştı. 

Intellektual, patriotik, icadi – gomumän alganda, xäzerge wakıtta mäktäp ukuçıları öçen 12 törle proekt tormışka aşırıla, alar tormışnıñ barlık ölkälärenä dä kagıla. «Bu proektlar balalar öçen, alarnı şäxes bularak üsterü öçen, kiläçäktä alar küñellärenä xuş kilerlek hönär yaki xobbi saylau mömkinlege birä», – dip bilgeläp ütte Oleg Maşkowtsew.

Bıel icadi yunäleşkä aerım igtibar birelä. Tizdän Kazanda açık hawada tulı ber muzey barlıkka kiläçäk. «Mädäni kod» proektı Tatarstan başkalasında Rossiyaneñ häm dönyanıñ iñ yaxşı rässamnarın cıyaçak. Alar binalarnıñ fasadların bizäyaçäk, diwarlarda tulı ber kartinalar icat itäçäk.

Şulay uk bıel Rossiya mäktäp ukuçıları xäräkäte yaña – RDŞ Kiberligası dip atalgan proektnı gamälgä aşıra. Kibersport mäktäp ukuçıları arasında populyarlık kazangan yunäleş. Prekt inde uñışlı gına eşläp kilä, uzgan elnı ciñüçelärgä büläkkä uen pristawkaları tapşırılgan. 

«Uen finalı aldınnan bez balalardan mäktäptä algan bilgeläre, alarnıñ ictimagıy eşçänlege turında söyläülären sorıybız. Yagni, alarnı onlayn dönyadan oflaynga çakırabız. Şulay itep, kompyuter uennarı uynagan malaylar häm kızlar äkrenläp bezneñ xäräkätkä kuşıla başladı, inde ber zur gailägä äwereldek, - di Irina Pleşçewa. – Bıel kiberligaga başka illärne cälep itärgä häm xalıkara däräcädäge yarış oeştırırga tırışaçakbız».

Yaşlär arasında populyarlık kazangan proektlar belän bergä Rossiya mäktäp ukuçıları xäräkäteneñ fän häm media kebek klassik yunäleşläre dä gamäldä. Grajdanlık aktiwlıgına da zur igtibar birelä. Ezlänülär alıp baru, Rossiya tarixın, tugan yaknı öyränü, mäktäp muzeyların buldıru häm üsterü, ekologiyagä kagılışlı proektlar bar. 

Uzgan el Rossiya mäktäp ukuçıları xäräkäte şef-peşekçe Konstantin Iwlew belän bergä «Şef w şkole» digän yaña urtak proekt başlap cibärgän. Anıñ burıçı – balalarnı, ata-analarnı, mäktäp citäkçelären häm ekspert cämägatçelegen ber mäydançıkta berläşterü, belem yortlarındagı aşxanälär eşçänlegenä tulısınça yaña karaş buldıru.