Bilärdä Rossiya mäktäp ukuçıları xäräkäteneñ Bötenrossiya «Ekotrend» smenası başlandı kire kaytirga

Bilärdä Rossiya mäktäp ukuçıları xäräkäteneñ Bötenrossiya «Ekotrend» smenası başlandı

Bügen Bilär muzey-tıyulıgında X Xalıkara «Sälät» yaşlär uku-ukıtu forumı kısalarında Rossiya mäktäp ukuçıları xäräkäteneñ Bötenrossiya «Ekotrend» smenası başlandı.

Forumga Tatarstannıñ barlık rayonnarınnan häm ilneñ 17 töbägennän meñnän artık aktiwist kilde. Katnaşuçılarnıñ yaş aralıgı: 12-17 yaş. Räsmi açılış tantanasında Rossiya Federatsiyase Prezidentınıñ Idel bue federal okrugındagı Tulı wäkalätle wäkile urınbasarı Oleg Maşkowtsew, Tatarstan Respublikası yaşlär eşläre ministrı Damir Fättaxow häm Rossiya mäktäp ukuçıları xäräkäte başkarma direktorı Irina Pleşçewa katnaştı.

Forum açılışında Oleg Maşkowtsew ekologiya temasınıñ il öçen ähämiyatle buluın assızıkladı. «Idel bue härwakıt mäktäp ukuçılarına üz talantların kürsätü öçen barlık mömkinleklär dä tudıruı belän dan tottı. Monda fiker alışa torgan mäsälälär sez yaşi torgan töbäk, il üseşe öçen bik möhim. Prezident Wladimir Putin da eş kına sezne – yaşlärne, mäktäp ukuçıların ekologiya mäsälälärenä: aktsiyalärgä, irekle initsiatiwalarga cälep itüneñ möhimlegen bilgeläp ütä. Çınnan da, tirä-yunebez, şähärlärebezneñ çistalıgı bik möhim", – dide ul.

Damir Fättaxow forumnıñ näk menä Tatarstan Respublikasında ütkärelüneñ ähämiyaten bilgeläp ütte.

«Yaşlär belän aralaşkanda, ekologiya mäsäläsenä eş kagılabız. Alar tugan yak ekologiyase belän genä tügel, ä il ekologiyase öçen dä borçılalar. Bu inde üzenä kürä ber trendka äylände. Häm bez bu trendka üseş alırga yardäm itä aluıbızga bik şat, – dide Damir Fättaxow. – LEADERS BILER FORUM mäydançıgında böten il aktiwistları cıeldı. Tatarstannıñ yaşlärne cälep itü urınına äylänüe – söenderä torgan küreneş».

Forum programmasında #nemuzeymoradan master-klass, ekologiya ölkäsendä äydäp baruçı federal ekspertlardan lektsiyalär häm balalarga üzlärendä yaña talantlar açarga yardäm itäçäk çaralar: sport uennarı buença çempionatlar, intellektual turnir häm «SeletVision» kontsert programması oeştırıla. Katnaşuçılar ekologiyaneñ iñ aktual mäsäläläre belän tanışaçak häm bergäläp alarnı çişü yulların ezläyaçäk.

«Cez bezneñ cirebezne barmak oçları belän toyuçı keşelär. Tugan yak, tamırlar belän elemtä bezneñ xäzerge buınnı taswirlauçı töp äyber bulıp tora da. Här irtägezne sez äkiyattäge Näni prints kebek başlıysız: başta üzegezne, annarı planetabıznı tärtipkä kiterä başlıysız. Ägär dä şuşı gamällär gadätegezgä kerep, üz öegezgä, töbägegezgä kaytıp, belemnäregezne başkalarga da tapşıra alsagız, ilebezneñ bügengese öçen dä, kiläçäge öçen dä oyat bulmayaçak», – di Irina Pleşçewa.

Tatarstannıñ Rossiya mäktäp ukuçıları xäräkäte «Sälät» yaşlär üzäge belän inde dürtençe elın xezmättäşlek itä. Icadi tandemda bu ike oeşma respublikanıñ gına tügel, Rossiya Federatsiyaseneñ dä mäktäp üzidaräse liderların berläşterüçe smenalar uzdıra. El saen LEADERS BILER FORUM-da 1200 aktiwist katnaşa.

Ukuçılarnı äydäp baruçı ekologlardan, törle ölkälärdä eşläüçe belgeçlärdän, balalar häm yaşlär initsiatiwaların üsterüçe, Rossiiya mäktäp ukuçıları xäräkäteneñ bügengesen häm kiläçägen tözüçe ekspertlardan öç kön däwamında kızıklı master-klasslar kötä.

Balalar barlıgı 75 tematik sessiyadä katnaşaçak. Däreslärdä alar tabigatne saklau ısulları, uñışka ireşü yulları, hönär saylau neçkälekläre turında fiker alışaçak. Şulay uk smena däwamında Rossiya mäktäp ukuçıları xäräkäte oeşmanıñ tarixı, traditsiyaläre häm proektları belän tanıştıra torgan öç masştablı interaktiw uen ütkäräçäk.