«Sälätkä nur bulgan yoldızlar» konkursı tämam! kire kaytirga

«Sälätkä nur bulgan yoldızlar» konkursı tämam!

«Sälätkä nur bulgan yoldızlar» konkursı – yaş icatçılar öçen üz sälätlären kürsätergä, ostalıkların arttırırga, fikerdäşläre belän tanışırga menä digän mömkinlek! 16 nçı apreldä uzgan ciñüçelärne büläkläü tantanası da moña açık dälil.

El saen konkursnıñ geografiyase kiñäya. Yubiley elında garizalar Kazan, Yar Çallı, Bägelmä, Alabuga, Leninogorsk şähärlärennän, Arça, Alekseewsk, Balık bistäse, Kaybıç, Sarman, Möslim, Teläçe, Biektau, Kukmara, Yaşel Üzän, Ägerce, Saba, Baltaç, Baulı, Mamadış, Aktanış, Aznakay, Ätnä, Älki, Çüpräle, Nurlat rayonnarınnan, kürşe Çuwaşiya respublikasınnan kilde. Barlıgı 200gä yakın icat cimeşe! Iñ populyar nominatsiya – şigriyat. 16 nçı apreldä, ciñüçelärne büläkläü belän berrättän, katnaşuçılar öçen kızıklı ostaxanälär dä oeştırıldı.

«Obrazlı fiker yörtü» – Yoldız apa Miñnullina üz tiräsenä yaş şagıyrlärne cıydı: bergäläp obrazlı fiker yörtü turında fiker alıştılar. Älfät abıy Zakircanow ädäbi äsärlärdäge konflikt häm personaj turında söyläde. Publitsistika janrın üz itüçelärgä «Inde» internet-jurnalınıñ baş möxärrire Kseniya Lukiçewa däres birde. Ä üz äsärlären döres itep yazu gına tügel, matur itep ukırga öyränergä telägännär öçen Gabdulla Kariew teatrı artistı Gölnaz Galimullinadan säxnä tele serlären çişte. 

«Sälätkä nur bulgan yoldızlar» açık ädäbi konkursı küñelegezdä barı tik yaxşı xatirälär genä kaldırgan dip ışanıp kalabız! Här katnaşuçıga, jyuri häm spikerlarıbızga, partnerlarıbızga zur räxmät! 

Ciñüçelärebezne çın küñeldän kotlıybız! Isemlege – monda.