Töp yunäleş: KWN, sängat 
Ütkärelü wakıtı: 9-26-nçı awgust 
Ütkärelü urını: DOL «Zwyozdnıy», Laeş rayonı 
Katnaşuçılar: 5-11 sıynıf ukuçıları 

«Sälät-Şäxes» uku-ukıtu häm sälamätländerü alanı programması balalarnıñ icadi mömkinleklären açu häm tormışta üz urınnarın tabarga yardäm itüne küzdä totıp tözelä. Smena däwamında balalar rejissura, akterlık ostalıgı, wideosängat, säxnä tele, StandUp, wokal, komanda tözü, psixologiya häm sotsiologiya däreslärendä katnaşalar. Alar belän yugarı uku yortları ukıtuçıları häm aspirantları, mädäniyat häm sängat eşlekleläre, Kazannıñ StandUp yunäleşendä aktiw katnaşkan, TR Şayannar häm Tapkırlar Klubınıñ üzäk liga uennarında üzen kürsätkän komandalar eşli. Töşke aştan soñ «Tatar tele häm ädäbiyatı», «Närsä? Kayda? Kayçan?», foto sängate, törek tele, xoreografiya, wokal, «HandMade» häm başka yunäleşlärdä ostaxanälär ütkärelä. Şulay uk alan programması kısalarında kön saen mädäni çaralar, sport uennarı oeştırıla. Alandagı çaralar ŞTK däreslärendä algan belemnärne tikşerä häm nıgıta torgan Şayannar häm Tapkırlar Klubınıñ yomgaklau uenı belän tämamlana. 

Ägär sin icatka omtıluçı häm icatnı yarata torgan keşe ikän, dimäk, sin üz alanıñnı taptıñ! Bez sineñ säläteñne açarbız häm uñışka ireşä alganıñnı kürsäterbez!