«Äydamannar yarışı – 2020»: garizalar kabul itä başlıybız! ← kire kaytirga

«Äydamannar yarışı - 2020» Respublikaküläm äydamanlık ostalıgı konkursınıñ çittän torıp katnaşu etabına start birelde!

Yarışta Sälätneñ cäyge alannarında, küçmä mäktäplärendä sälkeş häm äydaman rolendä aktiw katnaşkan, yugarı uku yortlarında yaisä urta maxsus belem birü yortlarında ukuçı 17 yaşe tulgan sälätçelär katnaşa.

Yarış üz aldına tübändäge burıçlarnı kuya häm tormışka aşıra:

- äydamannarnıñ professional ostalıgın arttıru öçen şartlar tudıru;

- balalarnıñ yalın oeştıruda innowatsiyalär, yaña texnologiyalär häm yunäleşlär ezläü;

- äydamannarnıñ näticäle eşçänlek täcribäsen üzara almaşu häm taratu öçen şartlar tudıru;

- yaşlärneñ icadi häm professional mömkinleklären tormışka aşıruda yardäm itü.

Yarış ike etapta ütkärelä:

- 1-nçe etap – katnaşuçılarnı çittän torıp portfoliolar nigezendä saylap alu (8-nçe oktyabr – 10-nçı noyabr, 2020-nçe el);

- 2-nçe etap – yarış programması (12-nçe noyabr – 15-nçe noyabr, 2020-nçe el)

Yarışta katnaşırga teläk beldergän äydaman 31-nçe oktyabrga kadär selet.biz saytında gariza tutırırga tieş. Çittän torıp portfoliolar nigezendä saylap alu etabı näticäsendä, katnaşuçılar 12-nçe noyabrdan 15-nçe noyabrga kadär ütkärelüçe yarış programmasında katnaşırga çakırılalar. Yarış programması näticäsendä ciñüçe häm laureatlar bilgelänä.

Yarış ike yunäleştä uzdırıla:

1. «Premer-liga»da «Äydamannar mäktäbe»n uzgan, kim digändä 3 märtäbä Xalıkara yaşlär uku-ukıtu «Sälät» forumında yaisä Sälätneñ cäyge profille alanında kimendä 1 märtäbä äydaman bulgannar yaki Xalıkara yaşlär uku-ukıtu «Sälät» forumında başcitäk rolendä 3 tapkırdan artık katnaşmagan sälätçelär katnaşa.