2020 elnıñ 1-10 oktyabr könnärendä «Sälät-Olimp» respublikaküläm olimpiadasınıñ çittän torıp katnaşu etabı uzaçak ← kire kaytirga

   2020 elnıñ 1-10 oktyabr könnärendä Kazan (Idel bue) federal uniwersitetınıñ Xalıkara mönäsäbätlär institutı belän berlektä el saen ütkärelä torgan «Sälät-Olimp» respublikaküläm olimpiadasınıñ çittän torıp katnaşu etabı uzaçak. Olimpida «Tarix» fäne buença 10-11 sıynıflar öçen karalgan.
«Räsäy häm törki-tatar dönyası tarixi xäter kiñlegendä» olimpiadası TASSR oeşuınıñ 100 ellıgına bagışlangan.

   Katnaşu öçen tübändäge sıltamalar buença küçü sorala. Olimpiadanı uzu wakıtı:
1 nçe oktyabr 14:00 - 10 nçı oktyabr 23:59.

   Çittän torıp katnaşu etabı näticäläre buença turıdan-turı etapta katnaşuçılar  isemlege tözelä. Älege etapka çittän torıp katnaşu etabında kiräk bulgan ballar yartısınnan kübräk ball cıygan katnaşuçılar uza ala.

   Kilep katnaşu etabı Kazan Federal uniwersitetınıñ Xalıkara mönäsäbätlär institutı binasında uzaçak. Olimpida uzu adresı häm tärtibe kilep katnaşu etabı oeştırulıga 5 kön kalgançı https://kpfu.ru/imoiv häm www.selet.biz saytlarında berketeläçäk.

   Olimpiada näticäläre buença barlık ciñüçelär dä I, II, III däräcäle diplomnar, kıymmätle prizlar häm Tatarstan Respublikası finans yardäme belän Xalıkara mönäsäbätlär institutınıñ Tarixi fännär häm Bötendönya mädäni miras yugarı mäktäbendä «Törki xalıklar tarixı» yunäleşendä belem alu mömkinlegenä iya bulaçak. Prizerlar kanikullar wakıtında konkurstan tış Tatarstan Respublikasınıñ iñ köçle ukıtuçıları belän ukıtu-trenirowka cıennarında katnaşa alaçak. Olimpiadada katnaşuçılarnıñ barısı da katnaşuçı sertifikatları belän büläklänäçäk.

Olimpiadada gomumi belem birü uçrejdenielärendä belem aluçılarnı çakırabız  häm uñışlar teläp kalabız!

  10 sıynıf https://forms.gle/2jT5fX6BQCgMmXo58 

  11 sıynıf https://forms.gle/gGq2kAy54vryzGdE8