«Äydamannar mäktäbe» proektınıñ 3 yunäleşe. ← kire kaytirga

«Äydamannar mäktäbe» – berençe tapkır 2002-nçe elda çınga aşırılgan zur proekt ul. 2014-nçe elga kadär ul äydamannar ostalıgı mäktäbe häm yarışı bularak uzdırıla ide. Tik xäzer ul üsep, yaña däräcägä kütärelde: Sälät cäyge profille smenalarına äydamannar gına tügel, citäkçelär dä äzerli. 2015-nçe elda proekt ikegä – «Äydamannar mäktäbe»nä häm «Äydamannar yarışı»na bülende. Yarış oktyabr azagında ütkärelä, cäyge profille smenalar eşçänlegenä yomgak yasıy. 

«Äydamannar mäktäbe»neñ töp yunäleşlären karap ütik:

1. El äylänäse eşläüçe «Äydamannar mäktäbe»:

- Sälät yortında 2 atnaga 1 ütkärelüçe däreslär;
- studentlarnıñ kanikulları wakıtında maxsus mäktäp;
- tatar tele däresläre;
- cäyge profille smenalar direktorları belän äñgämälärgä äzerlek.
2017/2018-nçe uku elındagı berençe däres 18-nçe oktyabr könne, 18:30, Sälät yortında (Kazan, Ostrowskiy ur., 23) uzdı. 

2. Äydamannar ostalıgın sınauçı «Äydamannar yarışı» 

Ütkärelde: 20-23-nçe oktyabr, 2017-nçe el 
Ütkärü urını: «Fänsar» FMÜ, Bilär
Yarış turında tulı mäglümat alu öçen portfolio-selet.ru saytına keregez. 

Yarış turında

2016-nçı elnı «Äydamannar yarışı» «Sämrux» el premiyase, «El äydamanı» nominatsiyaseneñ ber öleşe ide. Bıel isä ciñüçe yarış wakıtında uk bilgele bulaçak, ä «Sämrux 2017»dä, büläkläü tantanasında ul büläklänäçäk.

3. Sälät cäyge profille smenalarınıñ «Citäkçelär mäktäbe» 

Ukıtu berniçä blokka bülenä:
- Sälät yortında däreslär;
- citäkçelärneñ küçmä mäktäbe.