«Sanak-lab» laboratoriyasennän yaña el küçtänäçe ← kire kaytirga

3-8-nçe gıynwar aralıgında  «Fänsar» uku-ukıtu üzägendä berençe tapkır «Sanak-lab» laboratoriyaseneñ küçmä mäktäbe uzaçak.

Yaña belem tuplau, yaña el macaraları, wirtual çınbarlık, gitaraga kuşılıp cırlau,  kızıklı IT-proektlarnı tormışka aşıru, ostaxanälär, yaratkan äydamannar belän kabat oçraşu – bolar barısı da bu smenada bulaçak. Laboratoriyaneñ citäkçese Läysän Sabitowadan smena xakında tulırak beleştek.

- Läysän, programma kaysı sıynıf ukuçıları öçen? Kem katnaşa ala? Laboratoriyadä ukuçılar gına älege sessiyagä bara alamı?  

- Yuk, 6-11-nçe sıynıfta ukuçılar katnaşa ala. Ukıtu programması 2 öleştän toraçak: laboratoriyadä ber el däwamında belem aluçılar häm yaña ukuçılar. Här ukuçı da üze öçen kızıklı bulgan yunäleşne saylap alıp, şul ölkädä belem tuplıy alaçak.

- Uku-ukıtu programması turında beraz söyläp kit äle.

- Ukıtu programması mäglümati texnoologiyalärgä barıp totaşa. Programmalaştıru, saytlar yasau, sistemalı administratsiyaläü, wideomontaj, informatika buença BDI äzerlek.

- Laboratoriyadä bit BDI äzerlek yuk dip beläbez. Ni öçen monda kertergä buldıgız.

- BDI – bügenge köndä bik kiräkle äyber, üzegez dä beläsez. Bu sessiyadä bez balalarga bu ölkädä kübräk belem birergä tırışırbız,  yugarı uku yortlarına kerergä yardäm itärbez.   

- Şäp! Ukıtuçılar turında da ber-ike süz äytep kitsäñ.

- Laboratoriyadä el däwamında ukıtkan keşelär belem biräçäk. Şulay uk Tatarstannıñ yugarı uku yortları studentları, aspirantları da bezneñ belän bulaçak.

- Ukı-ukıtu programmasınnan tış küñel açu çaraları da küzdä totılamı?

- Ukıtuçılar belän uku-ukıtu programmasın äzerläsäk, äydamannarıbız kızıklı çaralar uzdıru östendä eşlilär. Yaña el kanikullarına turı kilgäç Yaña el Bal maskaradı, saf xawada kwestlar uzdıru, çañgı, çanada şuular da bulaçak.  

- Näticä yasap, bu smena balalarga närsä biräçäk?

- Yaña belem, yaña xis-kiçereşlär, onıtılmaslık kışkı kanikullar, şulay uk bu mäktäptä belem aldım digän sertifikat. Däreslär IT yunäleşendä bulsa, ostaxanälär şäxes üseşenä kübräk bagışlanaçak. Kıskası, şäp bulaçak. Bezneñ agımga kuşılıgız. Garizanı monda tutırırga mömkin.