Sälättä yaña sezon häm kiläse cäygä äzerlek ← kire kaytirga

«Sälät» yaşlär üzäge xezmätkärläre «Tatar-inform» mäglümat agentlıgında uzgan matbugat konferentsiyasendä katnaştı. Anda yañgıragan kayber soraularga cawapnı sezgä dä täkdim itäbez.

SƏLƏT ALANNARINDA ŞARTLAR YaXŞIRIRMI?

«Sälät» yaşlär üzäge direktorı Aygöl Gabdraxmanowa: «Bezneñ Laeş rayonındagı «Yoldızlı» bazasında kapital remont bara, kiläse jəygə anı ölgertergə tieşlər inde. Balalar tora torgan 7 yort, xezmätkärlär tora torgan yortka, aşxanägä kapital remont yasala. Balalar moña kadär bädräfkä, yuınırga tışka çıksa, xäzer tualet ta, yuınu bülmäläre dä alar torgan yortlarda urnaşaçak.

Ä gomumən alganda, Sələttə şartlar yaxşı, bıel forumda hərber çatırda xətta karawatlar da bar ide. Kır şartlarında eşli torgan çatırlı forumda bu! Här uku-ukıtu çatırında konditsioner eşläp tordı: cılı köndä – suıttı, suık köndä cılı hawa birde. Şartlarnı el saen yaxşırtırga tırışabız!»

ÄYDAMAN BULIR ÖÇEN NIŞLÄRGÄ KIRÄK?

Sälätneñ profille alannarı koordinatorı Igor Smirnow: «16-nçı oktyabrdä «Äydamannar mäktäbe» start ala. Eget-kızlarnı kiläse cäyneñ alannarında äydaman bulu öçen äzerlibez. Anda teläge bulgan häm 18 yaşe tulgan här student katnaşa ala. Töp şart – tatar telen belü. Nindi yugarı uku yortında ukuı möhim tügel, pedagog bulsınmı ul, başka törle professiyagə ukısınmı – bez alay saylamıybız. Xətta ikençe şähärlärdä ukısalar da, kurkınıç tügel: dəreslärneñ onlayn formatı bar. Komanda tuplaganda isə 50 protsentnı sınalgan, təjribəse bulgan əydamannar təşkil itə, kalgan 50 protsentı – yaña əydamannar. Şulay da pedagogika yunäleşe buença belem aluçı studentlarnı aeruça kötep kalabız. «Äydamannar mäktäbenä» yörer öçen bezneñ räsmi saytka kerep, gariza kaldırırga kiräk. Bügenge köndä 2020-nçe elnıñ cäendä eşläyaçäk alannarga äzerlek bara: alannar isemlegen tuplıybız, ütkärelü urınnarın barlıybız. Kiläse elga alannar sanı kimemäs, dip uylıybız, bälki, äle artıp ta kitär.

SÄLKEŞ BULIR ÖÇEN NIŞLÄRGÄ?

Monıñ öçen Sälätneñ räsmi saytına kerep, terkälergä häm elektron portfolionı tutırırga, anda barlık uñışlarıñnı kürsätergä kiräk. Nindi alanga barırga teläweñne kürsätergä dä onıtma. Här alanda konkurs törleçä. Kayber alannarda xätta ber urınga 10-15 keşe dägwa kıla.

FIZIK MÖMKINLEGE ÇIKLE BALA SÄLKEŞ BULA ALAMI?

«Sälät» yaşlär üzäge direktorı Aygöl Gabdraxmanowa: «Bez bernindi dä çikläülär kuymıybız. Andıy bala kilergä teli, äti-änise cibärergä riza ikän, bez anı kabul itäbez. Bilärdäge «Fänsar» üzägendä fizik yaktan mömkinlekläre çikle balalar öçen maxsus cihazlandırılgan yort ta bar».