«Xäzinä»dä «Bilär. 1236-nçı elnıñ köze» isemle kürgäzmä uza ← kire kaytirga
18-nçe oktyabrdän başlap Kazan şähäreneñ «Xäzinä» milli muzeenda «Bilär. 1236-nçı elnıñ köze» isemle kürgäzmä kısalarında lektsiyalär uzaçak.
18-nçe oktyabr , 15.30, Konstantin Rudenko: «Bilär kalasınıñ bügenge tormışı»
26-nçı oktyabr, 17.00, rässam Bulat Gıylwanow belän oçraşu. Tema: «Rässam häm wakıt. (Bilär obrazında)».
25-nçı noyabr, 12.00, «Bilär kalası legendası» temasına art-simpozium. Moderator – Kazan däüdät sängat häm mädäniyat istitutı ukıtuçısı, Räsäyneñ rässamnar berlege ägzası Şamil Motıygullin.
Kürgäzmädä Bulat Gıylwanow kartinalarınnan tış, Kazan federal uniwersitetı muzey kompleksı fondlarınnan alıngan arxeologik artefaktlarnı, kayçandır Böek şähärneñ kaldıkların, törle tabıldıklarnı, kazılmalarnı, kitap tekstlarınıñ fragmentların, arxeologik kazu wakıtında töşerelgän fotoräsemnärne dä kürergä mömkin.
Galereyagä kilüçelär rässam Bulat Gıylwanow eşläre aşa Bilärdäge 1236-nçı el közenä elägä ala. Älege kürgäzmäne oeştıruga töp säbäpçe – arxeolog, tarix fännäre kandidatı Konstantin Rudenkonıñ äle yaña gına tabadan töşkän «Bilär. 1236-nçı elnıñ köze» digän kitabı. Ul kayçandır mädäni häm säüdä üzäge bulgan şähärneñ soñgı könnärenä bagışlangan. Konstantin Rudenko tanılgan rässam, Musa Cälil isemendäge Däülät häm Bakıy Urmançı premiyaläre iyaläre Bulat Gıylwanow belän berlektä Bilär şähären kaharmannarça yaklau kartinasın buldırgannar.
Kürgäzmädä şulay uk rässam tarafınnan Konstantin Rudenkonıñ «Bilär. 1236-nçı elnıñ köze» isemle kitabı öçen yasalgan 18 illyustratsiyase täkdim itelgän. Rässam häm yazuçınıñ oçraşuı oçraklı kilep çıga. Döres, moñarçı Bulat Gıylwanownıñ näk şul isemdäge kartinası da bula. Şulay uk «Altınçäç» häm «40 kız» seriyaläre Bilär temasına bagışlangan. Bulat Gıylwanow legendar personaj häm obrazlar aşa üz xalkınıñ tarixın kürsätergä tırışa. Başka kartinalar isä kitap öçen maxsus yasala.
Kürgäzmä 2017-nçe elnıñ 31-nçe oktyabrenä kadär däwam itäçäk.
Sälät aktiwistları! Sezgä dä älege kürgäzmägä barıp Bilär kalası tarixı belän yakınnanrak tanışırga täkdim itäbez.
Uzdırılu urını: Kazan şähäre, Kreml, 12-nçe yort.
Beleşmälär öçen telefon: 5678-043, 5678-058
sayt: izo-museum.ru/hazine.