Xıyalga ber adım ← kire kaytirga

Sälät – sineñ yörägeñdä, küñeleñdä, uylarıñdamı? Sin alannıñ närsä ikänen beläseñ? Belemnär, xis-kiçereşlär belän büleşergä äzer torasıñ, balalarnı yaratasıñ? Äydaman bulırga xıyallanasıñ? Sälät yortında uzdırılgan maxsus däreslärgä yördeñ? Dimäk, xıyalıñnı çınga aşırırga menä digän wakıt. Tizräk, 29-nçı gıynwardan 2-nçe fewralga kadär äydamannar äzerläü mäktäbe – «Äydamannar mäktäbe»nä gariza cibär häm «Baytik» balalar sälamätländerü lagerendä wakıtıñnı faydalı uzdır.
Älege mäktäptä katnaşu – buşka. Nibarı, portfolio-selet.ru saytında garizanı kaldırırga häm tatar telen belü däräcäsen tikşerer öçen esse yazırga kiräk. Esse yazunıñ wakıtı oeştıruçılar tarafınnan gıynwar aenda xäbär iteläçäk.
Mäktäptä däreslär intensiw formatta uzaçak.
Äydamannar mäktäbe – Sälät berläşmäseneñ möhim proektlarınnan berse. Ul cäyge profille smenalarga äydamannar äzerläü öçen komanda tuplap, alarnı el däwamında ukıtunı üz östenä ala. Äydamannar törle yunäleştä eş alıp baralar: sälätle balalar belän eşli belü, komandada üzeñne kürsätü, Sälät traditsiyalären öyränü, printsipların belü, sälätlelär öçen törle çaralar uylap tabıp uzdıru.
Balalarga onıtılmaslık cäy büläk itik! Sine Sälät komandasına kötep kalabız!