«El alanı 2017» ← kire kaytirga
Nihayat, bügen kiçke 18:00 Sälät Yortında «Sämrux» premiyase kısalarında ütüçe «El alanı» nominatsiyaseneñ saylap alu turı uzaçak. «Sämrux» sınına iya bulır öçen kiläse 6 alan köç sınaşaçak:
• «Sälät-Bilär kalası»
• «Sälät-Sanak»
• «Sälät-Samara»
• «Sälät-Aznakay»
• «Sälät-Iske Kazan»
• «Sälät-Rauşan»
Ciñüçene kiläse kriteriylarga nigezlänep saylıylar:
• Alan katnaşuçılarınıñ şähär, respublika, il däräcäsendä bulgan kazanışları;
• Üz metodik eşlänmälär barlıgı;
• Alan yunäleşenä turı kilä torgan programma sıyfatı (belem birü, mädäni-massaküläm häm ukudan tış programmalar, ideologiya);
• Alannıñ eşçänlegen rayon, respublika, il massaküläm mäglümat çaralarında yaktırtu;
• El däwamında alannıñ yunäleş häm tematik eşçänlegen tormışka aşıruı;
• Tatar moxiten buldıruçı çaralar häm ısullar;
• Alannıñ 2016-2017-nçe ellar däwamında bulgan kazanışları.
Sezne şulay uk bügenge jyuri ägzaları belän dä tanıştırıp kitik:
• «Sälät weterannarı klubı» räise, Tatarstan Respublikası Ministrlar Kabinetı sotsial üseş idarä citäkçeseneñ urınbasarı – Almaz abıy Xäbibullin
• Sälätneñ küp kenä proektlarına üz öleşen kertkän, Sälät weterannarı forumı citäkçese, «Serwis Stil» mebel kompaniyaseneñ general direktorı – Leniza apa Rizwanowa
• Sälätebezneñ ostazı, tarix fännäre doktorı, arxeolog, Tatarstannıñ atkazangan fän eşleklese Tatarstan Respublikası Fännär akademiyase akademigı – Fayaz abıy Xucin
• Sälät weteranı, Tatarstan Respublikası Däülät Sowetı Apparatı oeştıru idaräseneñ Tatarstan Respublikası Däülät Sowetı mägarif, mädäniyat, fän häm milli mäsälälär komitetı eşçänlegen taemin itü bülege baş konsultantı –Alsu apa Galimowa
• Kazan Federal Uniwersitetı dotsentı – Dilärä apa Yakubowa
• «Tatarstan Respublikasınıñ Studentlar ligası» töbäk yaşlär ictimagıy oeşması prezidentı – Elkin abıy Iskändärow
• «Idel» jurnalınıñ baş möxärrire – Radik abıy Sabirow
• «Sälät» yaşlär üzäge direktorı – Aygöl apa Gabdraxmanowa
«Sämrux-2017» premiyaseneñ partnerları: «Tübätäy» tatar milli tiz tuklanu çeltäre, SELETSTORE yaşlär kieme häm aksessuarlar kibete, «Besedka» icat studiyase, «Rocket Records» tawış yazdıru studiyase, G.Kamal isemendäge Tatar däülät akademiya teatrı, «Widimıy swet» foto häm wideo studiyase, FUN24 küñel açu häm «Ixsan» trening üzäge.