«El alanı» ← kire kaytirga
2016-nçı elnıñ töp wakıygası – Respublikaküläm «Sämrux» el premiyaseneñ büläkläü tantanası uzdı. Sälätle balalar häm yaşlär bar zalnı sixri energetikaga kümde. «Sälät – bezneñ urtak xezmätebez. Bergä üsäbez, bergä kamilläşäbez. Bügenge laureatlar – inde zur ciñüçelär», – dip belderde «Sälät» Fondınıñ başkarma direktorı Timur Söläymanow. Ciñüçelär arasında «Sälät-Ruxiyat 2016» alanı wäkilläre dä bar. Alar «El alanı» isemenä laek buldılar. Ni öçen näk menä Ruxiyat ciñügä ireşte? Bu xakta «Sälät-Ruxiyat» direktorı Wenera Galimowa belän söyläştek.
- «Sälät-Ruxiyat»tä sineñ tarixıñ niçek başlandı?
- 2011-nçe elda xoreograf bularak çakırdılar, annarı inde äydaman buldım.
- Nik «Ruxiyat»ne sayladıñ?
- Min Sälätne bik yaratam. Ä çakıruın şuşı alanga çakırdılar. Rizalaşmas öçen säbäp tapmadım.
- Alanıñnı yaratasıñmı?
- «Ruxiyat» – icadi alan, şuña ul miña bik oşagandır da. Balalar sanı buença ul zur alan tügel, tik alar bötenese dä bik açık häm şayan. El saen smenada dus-tatu gailä moxite xökem sörä.
- «Sämrux 2016» premiyasendä katnaşırga sine närsä etärde?
- Alanıbız belän bıltır da katnaşkan idek. Ciñügä beraz gına citmi kaldı, şuña da bıel köçebezne tagın ber kat sınap kararga buldık.
- Yarışka niçek äzerländegez?
- Urtak maksatıbız, här keşeneñ üz burıçı bar ide. Äzerlek şuña da bik ciñel bardı.
- Çıgış yasagan wakıtta nindi xislär kiçerdeñ?
- Här çıgış ta dulkınlanusız uzmıy. Tik dulkınlanu bezgä yaxşı çıgış yasarga komaçau itmäde.
- Ciñüegezgä ışandıgızmı?
- Älbättä. Tik här katnaşuçı da ciñügä laek ide.
- Ä ciñüegezne işetkäç?
- Äytep-betergesez bäxet häm şatlık xisläre kiçerdem.
- Sineñ öçen «Sämrux» premiyasendä ciñü närsä ul?
- Bäygedä ciñü – bezneñ eşçänlegebezgä bäya birü. Ä «Sämrux 2016»da katnaşu cäy aldınnan ber digän start bulsın ide!
Sälät media-mäktäbe ukuçısı Liya Miftaxetdinowa