«Talantlar belän idarä itü» bötenräsäy fänni-gamäli konferentsiyase ← kire kaytirga

24-25-nçe noyabr könnärendä Innopolista «Talantlar belän idarä itü» bötenräsäy fänni-gamäli konferentsiyase uzaçak.

Konferentsiyadä respublika, bötenräsäy häm xalıkara oeşma wäkilläre belän eşläüçe sälätle balalar häm talantlı yaşlär, texnoparklar, litsey-internatlar; magistrantlar häm aspirantlar, yugarı uku yortları; galimnär, ostazlar häm belgeçlär çıgış yasawı kötelä.

Oeştıruçılar: «Uniwersitet Talantow» oeşması, Tatarstan Respublikası Xökümäte, TR mägarif häm fän ministrlıgı.

Operator: Tatarstan respublika yaşlär ictimagıy  «Sälät» fondı.

Konferentsiyaneñ maksatı – fänni yaktan keşe kapitalın üsterü, bäya birü, uku yortlarında, oeşmalarında, biznes ölkälärdä yaşlär belän eşläüne, innowatsion ölkädä fänni yaktan açu. Soñgı wakıtta talantlar belän idarä itü bezneñ ildä genä tügel, dönyaküläm däräcädä dä aktual tema bulıp tora. Çönki näk talantlı yaşlär – ilebez kiläçäge. Şul maksattan «Uniwersitet Talantow» respublikabızda Fänni mäktäp buldıru östendä köç kuya. Şul uñaydan elga berniçä tapkır törle seminarlar uzdırıp, çit il spikerların da çakıra.  

Konferentsiyadä katnaşuçılar öç yunäleştä eş alıp baraçak:

·  Däülät häm şäxsi oeşmalarda talantlı yaşlärneñ  intellektual häm innowatsion potentsialın açu häm alga taba da üsterü;

·  Sälätne mäglümati yaktan açarga yardäm itü;

·  Pedagog häm ostazlarnıñ sälätlelär belän eşläwe.  

Konferentsiyaneñ spikerları häm ekspertları:

- Timur Söläymanow, «Sälät» fondınıñ başkarma direktorı (Kazan);

- Dinara Şakirowa, ximiya fännäre kandidatı;

- Sergey Graskin, 1580-nçe nomerlı litsey direktorı, professor (Mäskäü);

- Tatyana Sergeewa, «Sotsial idarä itü akademiyase» prorektorı, professor (Mäskäü);

- Oskar Ryabow, III intellektual integratsiya institutınıñ baş ekspertı (Wena, Awstriya);

- Jolana Laznibatová, CSc. PhDr. Bratislava, mäktäp direktorı (Bratislawa, Slowakiya);

Şulay uk Ufa, Krasnoyarsk, Omsk häm başka şähärlärdän dä ekspertlar kiläçäk.

25-nçe noyabr könne isä konferentsiya kısalarında «Talantı mira: sälätle yaşlärgä yardäm itü» seminarı uzaçak. Monda 100-dän artık ekspert üzläreneñ eş täcribäläre belän urtaklaşaçaklar.

Seminarnıñ teması: «Yaşlärneñ sälätlärenä komplekslı bäya birü».

Yaşlärneñ çit il täcribäsennän çıgıp mäydançıklarda fiker alışuları da küzdä totıla. Seminarda tugan proektlar «Westnik Uniwersiteta Talantow» fänni-gamäli jurnalda dönya küräçäk.