Cäy-2020 turında iñ aktual soraularga cawaplar ← kire kaytirga

«Sälät» yaşlär üzäge direktorı Aygöl Gabdraxmanowa belän Sälätneñ cäyge profille alannarı koordinatorı Igor Smirnow turı efirda sezdän kilgän soraularga cawap birdelär.

Iñ eş birelgän häm aktual soraularga cawaplar:

1. Bıel cäyge alannar bulaçakmı?

CAWAP: Barlık alannarga da äzerlek plan buença bara. Bügengä här alannıñ komandası tuplangan, programmaları äzer inde. Xäzer texnik mäsälälär xäl itelä. Üzizolyatsiya rejimınıñ kayçan betäsen berebez dä tögäl genä äytä almıybız. Üzgäreşlär bulsa, hiçşiksez sezgä xäbär itäçäkbez. Şulay da bez 1-nçe iyunnän berençe smenabız başlanır dip niyatlibez. Bıelgı cäy dä Sälättä traditsion räweştä kızu uzaçak, dip kötäbez.

2. Epidemiologik situatsiya bulu säbäple, yullama bäyasen älegä tülämi torırga, mayda gına tülärgä yarıymı?

CAWAP: Yullama bäyasen tüläüneñ üz tärtibe bar. Alannarga baruçılarnıñ isemlege çıga, şunnan soñ 2 atna - 1 ay eçendä yullama bäyasen tülärgä kiräk. Sälät alannarına barırga teläüçelär bik küp häm alar konkurs nigezendä saylap alına. Kayber alannarda 1 urınga 7 keşe dägwa kıla. Isemlekkä kerdegez, läkin kürsätelgän wakıtka yullama bäyasen tülärgä ölgermädegez ikän – urın kalmaska mömkin. Şuña kürä wakıtında tülärgä kiräk. Borçılmagız: ul akçalar berkaya da kitmi. Alannar bulmagan oçrakta, akçalar kire kaytarılaçak.

Tüläü buença sorau bulsa, üzegez barası smenanıñ direktorı yaki ölkän äydamanı belän elemtägä kerep, indiwidual räweştä xäl itä alasız.

3. «Sberbank Onlayn» aşa tüläp bulamı?

CAWAP: Bula. «Sberbank Onlayn» aşa tülägän keşelär bar inde. Tüläülär kilep citä. Uramga çıgıp ta yörise yuk – bik caylı.

4. Alanga barırga teläp gariza birdem, läkin haman «prowerka» statusı tora. Gariza tikşerü statusında kayçanga kadär tora ala?

CAWAP: Alan başlangançı şulay tora ala. «Na prowerke» digän status ul gariza tapşırılgan, läkin sez älegä konkurstan ütmägän digänne añlata.

5. Bıel forumnar bulamı?

CAWAP: Böten cäyge kampaniya kebek, forumga da äzerlek plan buença bara. Bıel da forumnıñ 6 smenasın oeştırırga planlaştırabız. Tizdän forumnıñ aerım saytı açılaçak, barlık mäglümat şunda bulaçak.

6. «Yoldızlı» bazası ni xäldä?

CAWAP: «Yoldızlı» – Laeş rayonında bik matur urman eçendä urnaşkan, 220 sälkeşne kabul itä ala torgan bazabız. Uzgan el awgustta sälkeşlärne ozatkannan soñ uk, bazada kapital tözekländerü eşläre başlanıp kitkän ide. Korpuslar tözekländerelä. Yuınu bülmäläre dä korpuslar eçenä kertelä, tışka çıgıp yörise bulmayaçak. Aşxanä, törkem urınnarı, besedkalar da yañartıla. Şulay uk baza territoriyasendä «Ädip yortı» salınaçak. Planda aktlar zalın häm sport mäydançıgıp tözekländerü dä karalgan. Kıskası, bu remont tämamlangannan soñ, «Yoldızlı»nı tanımayaçaksız! Ä bıel berençelärdän bulıp «Sälät-Gayrät» häm «Sälät-Şäxes» smenaları yañartılgan «Yoldızlı»da uzaçak.

Alannar, yunäleşläre, bäyaläre turında tulırak mäglümat saytta ALANNAR bülegendä.

Garizalar portfolio-selet.ru saytında kabul itelä.