Grandioz tamaşaga kilmi kalma! ← kire kaytirga

Nihayat, 8-nçe fewral könne G. Tukay isemendäge Tatar Däülät Filarmoniyasendä «Sämrux-2017» premiyaseneñ büläkläü tantanası uzaçak! 

Respublikaküläm «Sämrux» el premiyase – yözlägän sälätle balalar häm yaşlär, tanılgan şäxeslär, zur eşçänlekkä yomgak yasau, berläşmäbez ägzaları xezmätenä bäya birü, partnerlarıbız, proekt awtorları häm oeştıruçılarına räxmät süzläre äytü, matur tantana häm kaderle maxsus sınnar belän büläkläü digän süz. 

«Sämrux-2016» premiyase ciñüçeläre bezgä üz xis-kiçereşlären belderdelär: 

Aygöl Şakirowa («El sälkeşe» nominatsiyasendä ciñüçe): 
- «Sämrux» premiyasendä mine kürep, gorur «El sälkeşe» isemen birüläre minem öçen zur şatlık buldı. Miña ışandılar, ömetlär bagladılar, şuña kürä min dä üz köçläremä ışana başladım. Bu ciñü minem ruxımnı nıgıttı, kuygan maksatlarıma ireşergä öyrätte. 

Dilärä Xalitowa («El ölkän äydamanı» nominatsiyasendä ciñüçe): 
- «Sämrux» premiyase miña üz-üzemä karata zur ışanıç kiterde. Eşkä karata karaşımnı üzgärttem, yaña köçlär taptım, ruxlandım. 

Şundıy uk xislärgä bireläseñ kiläme? Alaysa, biletlarnı 31-nçe gıynwarga kadär Sälät Yortınnan 3-nçe kabinetta alırga aşık. Älege grandioz tamaşaga kilmi kalma! Bezneñ moxitkä kuşıl! 

«Sämrux-2017» premiyaseneñ partnerları: «Tübätäy» tatar milli tiz tuklanu çeltäre, SELETSTORE yaşlär kieme häm aksessuarlar kibete, «Besedka» hönärxanäse, «Rocket Records» tawış yazdıru studiyase, G.Kamal isemendäge Tatar däülät akademiya teatrı, «Widimıy swet» foto häm wideo studiyase, FUN24 küñel açu häm «Ixsan» trening üzäge.