Sälät Forumınıñ äydamanı bul! ← kire kaytirga

16-19-nçı mart könnärendä «Baytik» BSÜ (Kazan şähäre, Krutuşka bistäse) «Äydamannar mäktäbe»neñ ikençe smenası ütkäreläçäk.

«Äydamannar mäktäbe»neñ töp maksatı: äydaman ostalıgına öyrätü häm Forumnıñ 6 smenasına komandalarnı tuplau.

«Äydamannar mäktäbe» ul – Sälätneñ cäyge profil alannarın tormışka aşıru öçen berdäm, professional komandanı buldıruga yunältelgän töp proekt. Öç kön eçendä tübändäge yunäleşlärdä ukıtu planlaştırıla: forum belän tanışu, äydaman portretı, sälätle balalar, komandanı tuplau, pedagogik situatsiyalär, şämçeklärne ütkärü ısulları. 
Şulay uk küçmä mäktäptä forumnarnıñ bulaçak direktorları häm ölkän äydamannarı da katnaşaçak.

Mäktäp programması kiläse temalardan gıybarät: äydaman portretı, Sälät dönyası, forumnar programmasın täkdim itü, berençe meditsina yardäme, balalar häm törle yaştäge balalar belän eşläü psixologiyase, şämçeklärne ütkärü ısulları, törkemne buldıru etapları, pedagokik situatsiyalärne çişü. Programmada şulay uk intellektual uennar häm refleksiya karalgan.

Üzläreneñ plannarı turında bezgä küçmä mäktäpneñ katnaşuçıları da söyläde.

Ilnaz Gıylmetdinow:

-          Älege mäktäptä, bu elnı smenaga ölkän bulıp barganga, katnaşırga buldım. Şul säbäple bulaçak äydamannarga ciñel bulmagan – «äydaman» yulında bulışasım, üzem öçen yaña mäglümat, komanda tuplıysım kilä.

Üzem «Sälät-Bolgar»ga äydaman bulıp baram. Ni öçen näk menä älege alannı saylaganımnı bik ciñel añlata alam: bu alan minem öçen tugan yortım kebek. Biredä üzemne yakın keşelärem arasında bik räxät xis itäm.

Azat Bulatow:

-          3 el rättän sälkeş rolendä buldım. Kiläse, äydaman etabına da küçärgä wakıt dip sanıym. Üzemne yaña wazıyfada sınap kararga bik kızık.

«Sälät-Yar Çallı» alanın sayladım. Çönki, biredä şäp başcitäklär, komanda. Üzem öçen älege smenaga barunı nindider sınau dip tä äyter idem. Moña kadär barı tik «Sälät-Rauşan» smenalarında gına buldım.