«Boxaraew ukuları»nda «wirtual yazuçı» täkdim iteläçäk kire kaytirga

«Boxaraew ukuları»nda «wirtual yazuçı» täkdim iteläçäk

27-nçe sentyabr könne Sälät Yortında «Boxaraew ukuları» fänni-gamäli seminarı bula.

Seminar texnik häm fizika-matematika fännäre doktorı, professor Räis Gata ulı Boxaraewnıñ tuuına 90 el tulu häm Tatarstan Fännär akademiyase gamäli semiotika Institutınıñ 10 ellıgı uñaennan uzdırıla.

Seminarnı oeştıruçılar – «Sälät» respublika yaşlär ictimagıy fondı belän berrättän, Tatarstan Fännär akademiyase gamäli semiotika Institutı häm Kazan (Idel bue) federal uniwersitetı.

«Maşina tärcemäse, neyroçeltärlär nigezendä tatarça söyläm analizı häm sintezı sistemaların eşläü» (dokladçı – Xösäenow A.F.), «Tugan tel» elektron korpusı» (dokladçı – Xäkimow B.E.) kebek çıgışlar kötelä. Professor Boxaraewnıñ ukuçıları da çıgış yasayaçak. Şulay uk programmada – «Räis Gata ulı Boxaraew istälegenä» dip atalgan film karau.

«Sanak-lab» uku-ukıtu laboratoriyase dä seminarda çıgış yasıy. Laboratoriya ukuçısı T. Serazutdinow ItukAI dip atalgan proekt täkdim itäçäk. Bu – öç teldä yaza torgan «wirtual yazuçı».

Çıgışlarnı tıñlarga teläge bulgan härkem kilä ala. Seminar 12:00-dä başlana.