27-nçe sentyabr könne Sälät Yortında «Boxaraew ukuları» - texnik häm fizika-matematika fännäre doktorı, professor Räis Gata ulı Boxaraewnıñ tuuına 90 el tuluına bagışlangan fänni seminar uzdı. 

Älege seminarnıñ kunakları - ataklı professorlar - üzläreneñ proektları belän tanıştırıp, çıgış yasap kittelär. Sälät proektları citäkçese Cäüdät Söläymanow wideo-elemtä buença çıgış yasadı. Ul «Boxaraew ukuları»nıñ tarixı belän tanıştırdı, şulay uk kiläçäkkä plannarnı äytep kitte.
Kullanma semiotika institutınıñ texnik fännär kandidatı Aydar Fail ulı Xösäenow institutnıñ proektı - rus - tatar tärcemäçese turında tulısınça söyläde häm anda eşläp kürsätte. Tärcemäçeneñ yaña mömkinlekläre - söyläm sintezı  häm söylämne işetep tärcemä itü turında da söyläp kitte. 

«Kiläçäktä şuşı tärcemäçegä tatar telennän başka törki häm kazax tellären kertergä cıenabız. 2014-nçe ellarda tieşençä tärcemä itä torgan tärcemäçe bulmaulıktan kilde bu ideya», - dide Aydar Fail ulı Xösäenow. 
Şulay uk seminarda filologiya fännäre kandidatı Bulat Ernst ulı Xäkimow çıgış yasadı häm tatar teleneñ elektron korpusı «Tugan tel» belän tanıştırıp, kunaklarnıñ barlık soraularına tögäl cawap birde. Elektron korpusnıñ barlık mömkinlekläre häm «Tugan tel»neñ böten üzençälekläre turında söyläde. 
Älege seminarnıñ auditoriyase kubesençä studentlar ide. 

Yaşlärneñ süzläre buença, älege çarada alar rus-tatar tärcemäçeseneñ neyron çeltärläre turında bik kup yañalık beldelär. Seminar axırında kunaklarga istälekle buläklär öläşelde.