Bulat Gaynetdinow häm Färidä Gazizullina – iñ şäp kuldaşlar ← kire kaytirga

«Sämrux-2017» premiyase oeşmanıñ iñ istä kala torgan çaralarnıñ berse. Sezne törle nominatsiyalärdä ciñüçelär belän tanıştıruıbızı däwam itäbez. Bügen üzeneñ xis-kiçereşläre turında «El kuldaşları» nominatsiyasendä ciñü yaulagan, «Sämrux» sınına iya bulgan Bulat Gaynetdinow söyliyaçäk.

Sineñ öçen Sälät ul – …

- Sälät minem öçen ul – älbättä, ikençe gailä.

Sälättä närsä belän şögıllänäseñ?

- Oeşmada min inde 2011-nçe eldan başlap. Bötenese kebek diyarlek, yulımnı sälkeş rolennän başlap cibärdem. 2014-nçe elda smenaga berençe tapkır äydaman bulıp bardım, ä inde 2016-nçe elda ölkän äydaman wazıyfasın ütädem. Häm, nihayat, 2017-nçe elda smena direktorı bulıp saylandım. Bügenge köndä «Sälät-Yar Çallı» smenasınıñ programması östendä eşläp kiläm. Tulısınça cäygä äzerlänäm diyargä bula.

- Bezneñ oeşmadan tış, närsä belän şögıllänäseñ?

- Kübese belgänçä, tormışımnıñ küp elların ŞTKga bagışladım. Älege uen minem öçen härçak iñ yaratkannarnıñ berse bulıp kalaçak.

- Sineñ Sälättäge töp kazanışıñ?

- 2016-nçı elda ikençe däräcä häm 2017-nçe elda «Bilär Forum»ında «Sälät» proektları citäkçese Ädip Älmirdän şämäxä futbolka alu.

-  Sineñ öçen «Sämrux» ul – ...

- Minem öçen premiya ul – uñaylı moxittän çıgu, üzeñne häm barlık mömkinlekläreñne kürsätü urını.

- «Sämrux» premiyasendä ciñer öçen nindi 3 sıyfatka iya bulırga kiräk?

- Şäxsän min, rusça äytkändä «Öç U» kaygıdäse belän kullanam: uwerennost, unikalnost i umopomraçitelnost. (Kölä)

- Ciñüne kötkän ideñme?

- Älbättä, bik tä ciñäse kilä ide! Älege ciñügä axırga kadär ışana idem. Minem fikeremçä, barlık katnaşuçılar da bik köçle ide. Minem ixtiyarım bulsa, büläkne böten katnaşuçılar arasında büler idem. «Sämrux» bäygesendä katnaşuçılar arasında gına tügel, xätta cäyge smenalarda eşläüçe barlık äydamannar arasında da. Döresen äytkändä, nominatsiya bik katlaulı häm biredä ciñü awırrak birelde.

- Üzeñ turında söyläp kit.

- Min magistraturanıñ 1-nçe kurs studentı, frilanser. Üzemne küpyaklı şäxes dip taswirlar idem. Bötenesen dä eşli beläm diya alam, ä nindider kuldan kilep çıkmagan eş tabılsa, şunda uk bu xälne çişü östendä eşli başlıym. (Elmaya). Menä inde 23 el bue min elmayu belän toram häm elmayu belän yoklarga yatam.

 - Kiläse elda «Sämrux» ta katnaşuçılarga närsä telär ideñ?

- Härwakıt eşläp karagız! Üzegezneñ nıklıgıgıznı gel sınagız!