Yaktı kiläçäkle yaş eşmäkärlär öçen maxsus smena kire kaytirga

Yaktı kiläçäkle yaş eşmäkärlär öçen maxsus smena

20-nçe iyul – 6-nçı awgust aralıgında «Zwezdnıy» yal häm sälamätländerü lagerendä sälätle balalarıbıznıñ eşmäkärlek ostalıkların üsterü mömkinçelege bulaçak. Tatarstan Republikasınıñ aktiw häm maksatçan yaşlären «Sälät-Eşmäkär» alanına çakırıp kalabız! Bıelgı smenanıñ uku-ukıtu häm icadi programması aeruça üzençälekle bulırga oxşap tora.

«Sälät-Eşmäkär» – eşmäkärlek säläten üsterü, biznes tözü ostalıgın buldıru öçen ber digän unikal mäydançık. Äle ul gına da tügel, smenanıñ programması icadi çaralarnı da üz eçenä ala: anıñ näticäsendä aktiw grajdanlık pozitsiyale uñışlı şäxes tärbiyaläp bula. «Sälät-Eşmäkär»dä balalar törle icadi ostaxanälär häm kızıklı däreslärdä belem tuplayaçak: SMM, marketing, biznes-strategiyalär, maksat kuyarga öyränü kebek yunäleşlär yaktırtılaçak. Wideoicat,  xoreografiya, kul eşläre kebek icadi däreslär dä çittä kalmayaçak.

Smenanıñ direktorı Aynur Sabirow:

- Bügenge köndä 70-kä yakın gariza kabul ittek. Isemleklärdä bıltırgı katnaşuçılarnıñ isemnären kürü aeruça da räxät. Dimäk, alarga uzgan elgı smena oşagan digän süz. Yaña katnaşuçılar da baytak, dimäk, yaş eşmäkärlärdän torgan gailäbez üsä bara. Bezneñ alan näk şuşı eş belän şögıllänä dä bit inde: yaş buında eşmäkärlek xezmätenä mäxäbbät tärbiyali, biznezneñ asılına töşenderä, törle şartlarda liderlık sıyfatların üsterä. Bu elgı smena bötenläy üzgä bulaçak, başkalarga oxşamayaçak. Respublikabıznıñ biznes belän şögıllänüçe oeşmaları belän xezmättäşlek itäçäkbez, aerım eşmäkärläre belän dä eşliyaçäkbez. Alar täcribäläre belän urtalaşa alır dip ışanabız. Nik näk menä «Eşmäkär» alanın sayladıñ disezme? Min awırlıklardan kurıkmıy torgan keşe, härwakıt yañalık ezlim. «Sälät-Eşmäkär» alanı minem öçen kızık häm faydalı macaraga äwereler dip ömetlänäm. Sälättä min 2010-nçı eldan birle. Başta «Sälät-Rauşan» alanında, annarı «Sälät-Şäxes»tä buldım. «Fänsar» mäktäbeneñ sessiyalärendä dä katnaşıp kiläm. Küp kenä proektlarda üzemne oeştıruçı bularak ta sınap karıym: Röstäm Bikmullin isemendäge «BikaFest» cır häm şigriyat festiwalendä, Respublikaküläm sälätle balalar häm talantlı yaşlär «Sämrux» el  premiyasendä, h.b. «Sälät-Eşmäkär» bıelgı cäyneñ yaktı mizgele bulıp kalır dip ışanam! Garizalarıgıznı portfolio-selet.ru saytında kötäbez. Urınnar çikle, duslar!