Sälät Klubı oçraşular ütkärä ← kire kaytirga

Sälät Klubı komandası mäktäp fännäre olimpiadalarınıñ respublika etapları katnaşuçıları belän oçraşular ütkärä.

Bu oçraşular matur traditsiyagä äylände inde. Alarnıñ maksatı Sälät marafonınıkı kebek – balalarnı Sälät dönyası belän tanıştıru, alarnı Sälät alannarına häm proektlarına cälep itü.

Uzgan yallarda şuşı missiyane tormışka aşıru maksatınnan öç çara uzdı.

Mäsälän, Sälät Klubı prezidentı Timerxan Şäyxetdinow Kazannıñ 27nçe gimnaziyasendä tatar tele häm ädäbiyatı buença töbäkara olimpiada katnaşuçıları belän oçraştı. Alar belän Sälät turında söyläşte, soraularga cawap birde. Soraularga kilgändä, ukuçılar cäyge alannar turında gına tügel, el däwamında eşli torgan proektlar turında da, «Fänsar» mäktäbe turında soraular birde. Oçraşuda 21 töbäktän 162 ukuçı katnaştı.

Monnan tış, «Sälät-Saba» alanı direktorı Gölnaz Gatina häm ölkän äydamanı Gölüsä Arikeewa ike respublikaküläm olimpiada – tatar tele häm tormış iminlege nigezläre fännärennän olimpiadada katnaşuçılar belän oçraştılar.