«Äydamannar yarışı»na küp kalmadı! ← kire kaytirga
⠀
- «Äydamannar yarışı»na bıel 99 gariza kabul itelde. Katnaşırga teläk beldergännärneñ barısı da «Fänsar»ga bara almayaçak: nigezlämä buença bezneñ barı tik 60 urın gına bar. Şuña kürä, yarış inde garizalar kabul itü kampaniyase wakıtında başlandı dip äytergä bula.
Katnaşuçılar Respublikabıznıñ törle rayonnarınnan, älbättä. Traditsion räweştä Kazan yugarı uku yortları aktiw katnaşa. Şulay uk Yar Çallı, Tübän Kama häm Älmät şähärlärennän dä studentlar bar. Katnaşuçılar geografiyase respublikabız belän genä çiklänep kalmıy: eget-kızlar Mäskäüdän dä kilälär.
Yarış programması 5 köngä karalgan. Barıbızga da tanış bulgan icadi, intellektual, pedagogik oçraklarga bäyle bulgan etaplar belän bergä, katnaşuçılarnı küp törle yaña çaralar kötä. Yakşämbe könne kiçen bez «El äydamannarı»n beläçäkbez, - dip söyläde proekt citäkçese Igor Smirnow.
Isegezgä töşeräbez: «Premer-liga»da – täcribäle äydamannar, ä «Berençe liga»da äydamanlık täcribäse bulmagannar yarışa. «Berençe liga» ciñüçese «Sälät stipendiyase»nä laek bulaçak. Ä «Premer-liga» ciñüçese «Sämrux» premiyasendä «El äydamanı» isemenä laek bulaçak häm çit ildä kıska wakıtlı seminarda katnaşaça.
ISEMLEK