«Sälät-WikiMäktäpkä» barırga teläüçelärne tuplau däwam itä

Bügenge köndä bezneñ härberebez dä internet häm Wikipediya belän kullana. Älege internet-entsiklopediyagä barlık keşe dä üz öleşen kertä ala. Entsiklopediya şaktıy küp tellärdä alıp barıla, şulay uk tatarça da. Bezneñ oeşmabıznıñ töp maksatları tugan tatar telne saklau häm üsterü bulganlıktan, 2016-nçı elda Färhad abıy Fätkullin initsiatiwası belän «Sälät-WikiMäktäp» proektı barlıkka kilä.Proekt üz eşçänlegen 2016-nçı elda başlap cibärä.

«XXI gasırda barlık möhim bulgan mäglümat törle internet-resurslarda saklana. Asılda, mäglümatnıñ nindider teldä buluı, aeruça Wikimedia proektında bulgan oçrakta – telneñ üseşenä kiterä. Tatar telle balalarnı Wikipediya, Wikixäbärlärgä cälep itär öçen, 2016-nçı eldan başlap törle proekt çaraların oeştıram», assızıkladı proekt citäkçese Timerxan Şäyxetdinow.

«Sälät-WikiMäktäp»neñ töp maksatları:

- Sälkeşlärne fän-belem ölkäsendä mäglümat tabu häm taratu öçen iñ aldıngı texnologiyase belän tanıştıru;

- Sälät yaşlär xäräkäte wäkilläreneñ üz proektları öçen Wiki-moxit birä torgan mömkinleklärne kullana alu;

- Tatar telle intellektual dönyanıñ çäçäk ata aluı öçen nigez salu;

«Sälät-WikiMäktäbe» Sälät aktiwistların Wikimedia proektları Wikipediya häm Wikixäbärlär zamana, belem platforması belän tanıştıruga häm anda yazarga öyrätügä yunälgän.

Proekt kısalarında 5 sägatlek uku-ukıtu programması karalgan.
Soñınnan, programmanı uzgan katnaşuçılar öçen praktika çorı başlana häm ul kiläse punktlardan gıybarät:

- Dönyanıñ törle poçmaklarında uzuçı Wiki çaralarında buşlay katnaşu;

- «Sälät-WikiMäktäp» kursların ütüne raslauçı Wikimedia tanıklıgın alu;

- Ber el däwamında Wikixäbärlär portalına mäkalälär yazıp torgan oçrakta, katnaşuçıga jurnalist tanıklıgı birelü;
- Älbättä, Wikipediyadän razdatka;

- Tatarstannıñ häm başka töbäklärneñ kızıklı obektlarında ekskursiyalärdä katnaşu.

Garizalarnı monda cibärep bula.

«Sälät-WikiMäktäpkä» barırga teläüçelärne tuplau däwam itä ← kire kaytirga