Sälät Forumı 1-nçe smenasınıñ icadi programması ← kire kaytirga

Xalıkara yaşlär uku-ukıtu Sälät forumı – üsterüçe moxit, intellektual icat belän şögıllänüçe yaşlärne berläşterüçe mäydançık, ruxi häm mädäni üseş mömkinlekläre ul.

12-16-nçı iyul aralıganda, Bilärdä uzaçak Sälät forumınıñ 1-nçe smenası programması sälätle balalarnı tagın da üsterergä yardäm itüçe çaralar belän tulı.

«Bilär kiçläre» tok-şouı.

Biredä alannarnıñ citäkçeläre häm äydamannarı üzara interaktiw uennarda köç sınaşaçak. Axırda biyu marafonı kötelä. Monda katnaşu öçen här alannan biyu komandaları çıgış äzerli.

Sälät alannarı prezentatsiyase: «Bilär – traditsiyalär häm innowatsiyalär mäydançıgı. Kiläçäk bügen başlana».

Bu Forumnıñ iñ kızıklı çaralarınıñ berse, anı barısı da zarıgıp kötep ala. Biredä alannar üzlären täkdim itälär: biyu postanowkaları, kontsert nomerları, zur biyu fleşmobı alarga yardämgä kilä. Üzen iñ äybät täkdim itkän alan kubok ota.

Intellektual turnir.

Sälät Forumınıñ töp säxnäsendä intellektual turnir uzaçak. Ul Qiuz formatında, maxsus kunaklar – ReQuizit komandası katnaşında ütä. Biredä Sälät alannarı üzlären barı yaxşı yaktan gına kürsätäçäk, akıl köçeneñ sınatmayaçagın isbatlayaçak! Häm, älbättä, töp kubok öçen köç sınaşaçak!

KWN festiwale.

Kem iñ şäp akter bulır? Kem iñ kızık mäzäkne uylap tabar? Kem festiwalneñ töp büläge – gran-prinı otar? Bu soraularga cawapnı 13-nçe iyul könne belerbez!

Zur icadi kontsert: «Sälät bezgä oçar kanat birde».

Bu kiçne Forumnıñ iñ sälätle katnaşuçıları üzläreneñ icadi çıgışların kürsätäçäk.

Open Air – icadi marafon

Kiçäneñ kunakları: Yummy Music leyblı artistları häm DJ Ramildän DJ Set.

Hawa elannarın kükkä oçıru. 

Alarnı Sälätlelär üz kulları belän yasayaçak.

Kızık bulaçak! Gariza kaldırırga äle wakıt bar, aşık, dustım!