Eşlekle oçraşu kire kaytirga

Eşlekle oçraşu
Bügen Yaşlär eşläre buença federal agentlık (Rosmolodej) citäkçese urınbasarı Grigoriy Gurow Misır Garäp Respublikasınıñ Rossiya Federatsiyasendäge gadättän tış häm wäkalätle wäkile Ixab Nasr belän eşlekle oçraşu uzdırdı.

Oçraşuda şulay uk «Rosmolodej» federal agentlıgınıñ xalıkara eşçänlek bülege citäkçese Tatyana Seliwerstowa häm Tatarstan delegatsiyase – xalıkara yaşlär xezmättäşlegeneñ «Rossiya – Islam xezmättäşlege oeşması» yunäleşe buença açılgan Proekt ofisı citäkçese Tahir Nasibullin, TR Yaşlär eşläre ministrlıgınıñ mädäniyatara baglanışlar sektorı mödire Alisa Abrarowa katnaştı.

Yaşlär säyasäteneñ ähämiyatle buluı äytep kitelde, Rossiya-Misır xezmättäşlegen üsterü buença çaralar planlaştırıldı. Alar arasında Rossiya-Misır yaşlär forumı häm «Ewraziya Global» xalıkara yaşlär forumı da bar.

Ä Tahir Nasibullin Proekt ofisınıñ eşçänlege häm kiläçäkkä plannarı turında söyläde. Eşçänlekneñ töp çaraları – IXO illäre yaş diplomatları forumı, IXO illäre studentları häm aspirantlarınıñ xalıkara fänni konferentsiyase, IXO illäre yaş eşmäkärläre forumı bulaçak.