«Sämrux-2019» el premiyase ütte – xis-kiçereşlär kaldı! ← kire kaytirga

Kiçä Sälät «Piramida» kontsertlar zalın kızdırdı. «Sämrux-2019» el premiyaseneñ büläkläü tantanası uzdı bit monda!

Tantananı Sälät proektları citäkçese Cäüdät abıy Söläymanow sälamläü süzläre belän başlap cibärde. «Röstäm Nurgaliewiç häm anıñ komandasına räxmät! Monda kilgän barıgızga da, barıbızga da bik zur räxmät! Bügen, çınnan da, bäyräm. Bezneñ küñelebezdä kön saen bäyräm, çönki menä bu zur bäyräm bulsın öçen, bez kön dä üzebezneñ proektlarıbıznı tormışka aşırabız, bergä cıelabız, bergä fiker yörtäbez, bergä üsäbez. Häm menä elga ber märtäbä şuşılay cıelabız. Bu inde traditsiyagä äylände, bişençe märtäbä üzebezneñ iñ-iñnärne, iñ akıllı, iñ citezlärne, iñ köçlelärne alga çıgarıp alkışlıybız, kotlıybız. Bügenge çaranıñ möhimlegen şunnan belep bula. Räxmätemne monda kilgän ata-analarga da äytäm – şulardan başlana bit. Akkoş oyasında akkoş tua. Räxmät sezgä şundıy balalar üstergänegez öçen!» - dip söyläde ul. Cäüdät abıy Sälät stipendiyasen tapşırdı häm «El ostazı» nominatsiyasendä ciñüçelärne büläkläde.

Sälätne bäyräme belän kotlarga bik küp ministrlıklar, wedomstwolardan wäkillär kilgän ide. Alar – härdaim Sälät belän bergä atlauçı, yardäm itep toruçılar. Säxnägä çıgıp süz äytüçelär häm ciñüçelärgä premiyalär tapşıruçılar arasında TR sport ministrı urınbasarı Almaz Mingulow, TR yaşlär eşläre ministrınıñ berençe urınbasarı Timur Söläymanow, TR mädäniyat ministrı urınbasarı Damir Natfullin, «TR gazlaştıru, energiya saklau texnologiyaläre häm injenerlık çeltärlären üsterü fondı» Däülät kazna uçrejdeniese häm anıñ citäkçese Cäüdät Midxät ulı Miñnäxmätow, TR Ministrlar Kabinetı Apparatınıñ sotsial üseş idaräse citäkçese urınbasarı Almaz Xäbibullin, TR Däülät Sowetı deputatı Lotfulla Şäfigullin häm başka bik küplär bar ide.

«Sämrux-2019» el premiyase ciñüçeläre:

«El sälkeşe» - Rälinä Fawarizowa.

«El äydamanı» - Gölnaz Gatina.

«El ölkän äydamanı» - Zärinä Xälilowa.

«El direktorı» - Alsu Ganeewa.

«El klubı» - «Sälät-Yaşel Üzän».

«El kuldaşları» - Ädilä Kamalowa, Ilnur Zinnätow («Sälät – Sanak»).

«El alanı» - «Sälät-Yar Çallı».

«Forum başcitäge» - Räfis Xälilow.

«Sälät cırlıy» – «Sälät dönyası» (Süzlär awtorı: Miläüşä Gomärowa. Köy awtorı: Miläüşä Gomärowa häm Ädilä Kamalowa. Başkara: Miläüşä Gomärowa).

«El partnerları» – «TR gazlaştıru, energiya saklau texnologiyaläre häm injenerlık çeltärlären üsterü fondı» Däülät kazna uçrejdeniese häm anıñ citäkçese Cäüdät Midxät ulı Miñnäxmätow; «SMP - Neftegaz» aktsionerlık cämgıyate häm anıñ citäkçese Albert Şäükät ulı Kamarow.

«El ostazları» - «Sälät» fondınıñ baş xisapçısı, 1994-nçe eldan uk bezneñ belän bulgan Roza Sitdikowna Stepanowa; Tatarstan Respublikası Alekseewsk munitsipal rayonı başlıgı urınbasarı Nikolay Petrowiç Çurin; Tatarstan Respublikası Däülät Sowetı deputatı, Tatarstan Respublikası Däülät Sowetınıñ Iktisad, inwestitsiyalär häm eşkuarlık komitetı räise Lotfulla Nurislamowiç Şäfigullin.

Sälät üseşenä zur öleş kertkännäre öçen, Şäyxetdinow Timerxan, Mirmiewa Aliya häm Nasrtdinow Ilnaz Sälät stipendiyasenä laek buldılar.

Ciñüçelärgä «Sämrux» sını, diplom, partnerlardan kıymmätle büläklär häm fund.selet.biz platformasında tuplangan akçalata premiya tapşırıldı. Teläge bulgan här keşe fund.selet.biz fondına üz öleşen kertä aldı. Bitaraf bulmagan keşelär yardäme belän fondta 100 meñ sumnan kübräk akça cıeldı.