Ence Äxmätcanowa Soçidan «Fakel» alıp kayttı ← kire kaytirga

«Gazprom» cämgıyate  2004-nçe eldan birle xezmätkärläre häm alarnıñ balaları öçen «Fakel» icadi bäygesen ütkärä. Ul ike zona turınnan tora: kön-yak häm tön-yak. Annarı ike yaknıñ da ciñüçeläre  finalda oçraşalar. Sälät aktiwistı, «BikaFest 2016» festiwaleneñ gran-pri iyase Ence Äxmätcanowanı da ciñüçelär safında kürü üze zur şatlık. Çara turında fikerlären, xis-kiçereşlären Ence bezneñ belän dä urtaklaştı.

- Ence, bu tarix niçek başlanıp kitte?

- Başta «Gazprom Transgaz Kazan-» oeşmasında saylap alu turın üttem. Anda «Yatim bala» mönäcäten, ike estrada cırın başkardım. Beraz wakıttan son «Yatim bala» mönäcäte belän «Fol-klor» nominatsiyasenä aluları turında xäbär ittelär. Wokal ukıtuçım belän älege cır östendä eşli başladık. Min kubızda da uynarga öyrändem xätta. (Kölä)

- Zona turı niçek ütte? Jyuri äg-zaları sineñ çıgışnı niçek bäyaläde?

- Kön-yak zona turı Ufada buldı. Anda älege mönäcätne jırlap 1-nçe urınnı yauladım. Biredä bez bik küp master-klasslar üttek. Komissiya räise, Pyatnitskiy xorınıñ citäkçese Permyakowa Aleksandra Andreewna tügäräk östäl wakıtında minem çıgışım turında ber genä süz äytte: «Iskitkeç!» - dide. Ul jyuridagı iñ kırıs keşe bulganlıktan, minem öçen bu bik zur bäya buldı.

- Afärin, Ence! Mondıy kanatlandırgıç süzlärdän soñ final da ber sulışta ütkänder.

- Final Soçida uzdı. Anda da akapello älege mönäcätne başkardım, axırda kubızda uynadım. Mine zal yaratıp alkışladı, 1-nçe urınga laek dip taptılar. Büläklägän wakıtta miña Aleksandra Andreewna: «Sin buldırasıñ! Kotlıym! Fol-klor häm xalık cırları cırlawıñnı tuktatma. Iskitkeç matur başkarasıñ!» - dip äytte. 

- Köndäşläreñ turında da söyläp üt äle.

- Finalda «Gazprom»nıñ 40 filialı katnaştı. Kıtaydan, W-etnam häm Boliwiyadä dä kilgännär ide xätta.

- Bäyge siña nindi xis-kiçereşlär büläk itte?

- Min tatar telendä cırlagan berdänber katnaşuçı idem. Monıñ belän aeruça da gorurlanam! Bezneñ Kazan delegatsiyase bik dus ide. Barısına da zur räxmät! Yaratkan cırçım Ruslan Säyfetdinow, xoreograf Igor- Rudnik, tanılgan artist Anatoliy Rudenko belän aralaşa aldım.

- «Fakel» sineñ öçen çın ilham çıganagı bulgan ikän. Parijda uzgan milli bäyrämebez Sabantuyda da katnaşkansıñ.

- Äye. Tatar xalkınıñ älege ixlas bäyrämendä üzemneñ yaratkan cırlarımnı başkardım. Parijnı kürü – minem zur xıyalım ide. Tagın ber xıyalım bar – Ilnaz abıy Safiullin belän cır yazdıru. Anısı da çınga aşar dip ömetlänäm.

- Ilnaz belän bu xakta söyläşerbez!