Sälät forumı belgeçläre balalarga hönär saylaganda häm eşkä urnaşkanda kiräkle kiñäşlären birdelär ← kire kaytirga

Bu könnärdä Bilärdä XII «Sälät» yaşlär uku-ukıtu forumınıñ öçençe smenası —– KARERA TEXNOLOGIYaLÄRE BILÄR FORUM (Karernıe texnologii / Career Technology) uza.

Smenanıñ uku-ukıtu sessiyaläre karera texnologiyaläre ölkäsendä aldıngı täcribäne öyränügä, şäxsi üseş häm hönäri üseş traektoriyasenä nigez saluga bagışlangan.

Katnaşuçılar yaña hönäri mömkinleklär turında belä, şulay uk üzbilgelänüneñ mägnäse häm aña kagılışlı kıymmätlär belän tanışa. Forumda Tatarstannıñ häm Rossiyaneñ äydäp baruçı belgeçläre häm biznes-trenerları sälkeşlärgä üz belemnären citkerä.

Alar forumga karata üz täesirläre belän urtaklaştılar häm balalarga şäxes bularak formalaşu öçen kiñäşlär birdelär.

Hönäri yunäleş birüçe, praktik psixolog Ekaterina Dowbnya:

«Sälät üzeneñ masştabı, köçle energiyase häm iskitkeç moxite belän tañ kaldıra. Barısı da yugarı däräcädä oeştırılgan, wak-töyakkä kadär uylangan, ä yardämçel kuratorlar, wolonterlar härwakıt yanäşädä häm bulışırga äzer.

Minem ostaxanälärem balalarnıñ hönärlär dönyası turında küzallauların kiñäytügä, eşçänlekneñ tege yaki bu ölkälärenä omtılışların häm sälätlären açıklauga yunälderelgän. Bez üzbilgelänü öçen bik küp kızıklı keyslar ütkäräbez, ä balalar zur kızıksınu belän soraular birälär — kiläçäk hönären saylau teması alarga aeruça mawıktırgıç ikänen küräbez.

Bez alar belän kiläçäk kareraga niçek äzerlänergä häm ul kerem genä tügel, ä şatlık ta kitersen öçen nişlärgä digän soraularga cawap ezlibez.

Ideal oçrakta bulaçak belgeçkä üzenä kızıklı häm törle formada alarnı sınap kararga mömkin bulgan berniçä hönär saylarga kiräk. Mäsälän, bu ölkädäge keşelär belän aralaşu, eş protsessların karau. Ägär ezlänü öçen kübräk wakıt kiräk bulsa da, kurkınıç tügel. Kıska gına wakıt eçendä yaratkan eşeñne tabu - zur bäxet.

Bala hönären saylaganda, ata-analarga anıñ här başlangıçın xuplarga, barısın da buldıraçagına ışanıç kürsätergä häm köçle sıyfatlarına basım yasarga kiräk.

Uñışlı karera tözü öçen min adaptiwlıknı üsterergä, ul tiz arada karar kabul itärgä yardäm itäçäk, häm aralaşu säläten kamilläşterergä, ul gomumi komanda maksatlarına ireşergä häm xezmättäşlär belän urtak tel tabarga bulışaçak, kiñäş itäm».

«Selected» kompaniyaseneñ HR-brend menedjerı Arina Bıkowa:

«Balaçagımda min Sälätkä biş el rättän kildem. Şundıy uk tänäfestän soñ monda kire kaytuıma min bik şatmın. Biredä bik küp närsä üzgärgän häm yaxşırgan, läkin moxit haman da şundıy uk räxät bulıp kalgan.

Ostaxanämdä min kareramnıñ berençe adımnarı turında söylädem. Bez tormışçan misallarda katnaşuçılar belän eş ezläü protsessın tikşerdek, üzebez häm künekmälärebez turında uylanırga, şulay uk köçle yaklarıbıznı tabarga öyrändek.

Küplär gomerlek ber hönär saylarga kiräk dip uylıy. Läkin çınlıkta bu alay tügel. Xäzerge dönya distä ellar ber ük eşne başkarır öçen artık tiz üzgärüçän. Keşelärneñ küpçelege gel üsä, yaña belemnär üzläşterä, eşçänlek ölkälären tamırdan üzgärtä — häm bu äybät.

Kiläçäk eşegezne tabu öçen minem kiñäşlärem:

1.      Üz täcribäñ turında härwakıt xakıykatne genä söyläü. Eş birüçe namuslılıknı kaderli häm yalganıgıznı bik tiz sizäçäk.

2.      Ukırga, öyränergä äzer bulu häm uylau sıgılmalılıgın üsterü — alar sezgä tiz arada yaña belemnär üzläşterergä yardäm itäçäk.

3.      Initsiatiwa kürsätergä häm üzgäreşlär yasarga kurıkmagız. Xatalanunıñ da yaxşı ikänen onıtmagız.

4.      Tıñlarga. Aktiw tıñlau ostalıgı eştä genä tügel, tormışta da yardäm itä.

5.      Künekmälärne arttıru, räxätlek kiterüçe eş başkaru häm mömkinlekläreñne kulıñnan oçkındırganga ükengänçe, xata yasaunıñ yaxşırak ikänen istä totu».

Gailä psixologı, Xalıkara psixologlar assotsiatsiyase ägzası Elena Rumyantsewa:

«Min berençe tapkır Sälät forumına kildem häm bu lager gına tügel, ä üz mädäniyate häm goref-gadätläre bulgan, balalar üzlären taba häm çın professionallardan öyränä algan ber berläşmä buluına soklandım.

Minem ostaxanälärem üz-üzeñne köyläü künekmälärenä bagışlangan. Praktik däreslärdä bez balalar belän xis-kiçereşlärebez belän idarä itärgä, üz-üzebezne xörmät itärgä öyränäbez.

Aralaşu - xäzerge zamanda bik möhim häm tieşençä bäyalänmägän ostalık. Teläsä nindi korporatiw moxit - ul, berençe çiratta, keşelär. Alar belän elemtägä kerä, urtak tel taba, komandada eşli — üzeñne genä tügel, başkalarnı da işetä belü möhim. Balalar belän söyläşü häm çın professionallarnıñ härwakıt närsäder öyränüen, belem häm professionallek däräcäsen arttıruın kürsätü bik möhim.

Iñ möhime hönär saylaunıñ cawaplı adım ikänlegen, läkin anıñ gomerlek bulmawın añlau. Wakıt uzu belän kızıksınular häm şartlar üzgärergä mömkin, härwakıt yaña yunäleştä üsä başlarga mömkin.

Däreslärneñ mägnäse - balaga anıñ mawıguların hönärgä äyländerergä yardäm itü. Ägär dä ul şiklär belän oçraşsa, yardäm itegez, bu bez, olılar, balalar öçen eşli algan iñ yaxşı gamäl».