Сәләт форумы белгечләре балаларга һөнәр сайлаганда һәм эшкә урнашканда кирәкле киңәшләрен бирделәр ← кире кайтырга

Бу көннәрдә Биләрдә XII «Сәләт» яшьләр уку-укыту форумының өченче сменасы —– КАРЬЕРА ТЕХНОЛОГИЯЛӘРЕ БИЛӘР ФОРУМ (Карьерные технологии / Career Technology) уза.

Сменаның уку-укыту сессияләре карьера технологияләре өлкәсендә алдынгы тәҗрибәне өйрәнүгә, шәхси үсеш һәм һөнәри үсеш траекториясенә нигез салуга багышланган.

Катнашучылар яңа һөнәри мөмкинлекләр турында белә, шулай ук үзбилгеләнүнең мәгънәсе һәм аңа кагылышлы кыйммәтләр белән таныша. Форумда Татарстанның һәм Россиянең әйдәп баручы белгечләре һәм бизнес-тренерлары сәлкешләргә үз белемнәрен җиткерә.

Алар форумга карата үз тәэсирләре белән уртаклаштылар һәм балаларга шәхес буларак формалашу өчен киңәшләр бирделәр.

Һөнәри юнәлеш бирүче, практик психолог Екатерина Довбня:

«Сәләт үзенең масштабы, көчле энергиясе һәм искиткеч мохите белән таң калдыра. Барысы да югары дәрәҗәдә оештырылган, вак-төяккә кадәр уйланган, ә ярдәмчел кураторлар, волонтерлар һәрвакыт янәшәдә һәм булышырга әзер.

Минем остаханәләрем балаларның һөнәрләр дөньясы турында күзаллауларын киңәйтүгә, эшчәнлекнең теге яки бу өлкәләренә омтылышларын һәм сәләтләрен ачыклауга юнәлдерелгән. Без үзбилгеләнү өчен бик күп кызыклы кейслар үткәрәбез, ә балалар зур кызыксыну белән сораулар бирәләр — киләчәк һөнәрен сайлау темасы аларга аеруча мавыктыргыч икәнен күрәбез.

Без алар белән киләчәк карьерага ничек әзерләнергә һәм ул керем генә түгел, ә шатлык та китерсен өчен нишләргә дигән сорауларга җавап эзлибез.

Идеаль очракта булачак белгечкә үзенә кызыклы һәм төрле формада аларны сынап карарга мөмкин булган берничә һөнәр сайларга кирәк. Мәсәлән, бу өлкәдәге кешеләр белән аралашу, эш процессларын карау. Әгәр эзләнү өчен күбрәк вакыт кирәк булса да, куркыныч түгел. Кыска гына вакыт эчендә яраткан эшеңне табу - зур бәхет.

Бала һөнәрен сайлаганда, ата-аналарга аның һәр башлангычын хупларга, барысын да булдырачагына ышаныч күрсәтергә һәм көчле сыйфатларына басым ясарга кирәк.

Уңышлы карьера төзү өчен мин адаптивлыкны үстерергә, ул тиз арада карар кабул итәргә ярдәм итәчәк, һәм аралашу сәләтен камилләштерергә, ул гомуми команда максатларына ирешергә һәм хезмәттәшләр белән уртак тел табарга булышачак, киңәш итәм».

«Selected» компаниясенең HR-бренд менеджеры Арина Быкова:

«Балачагымда мин Сәләткә биш ел рәттән килдем. Шундый ук тәнәфестән соң монда кире кайтуыма мин бик шатмын. Биредә бик күп нәрсә үзгәргән һәм яхшырган, ләкин мохит һаман да шундый ук рәхәт булып калган.

Остаханәмдә мин карьерамның беренче адымнары турында сөйләдем. Без тормышчан мисалларда катнашучылар белән эш эзләү процессын тикшердек, үзебез һәм күнекмәләребез турында уйланырга, шулай ук көчле якларыбызны табарга өйрәндек.

Күпләр гомерлек бер һөнәр сайларга кирәк дип уйлый. Ләкин чынлыкта бу алай түгел. Хәзерге дөнья дистә еллар бер үк эшне башкарыр өчен артык тиз үзгәрүчән. Кешеләрнең күпчелеге гел үсә, яңа белемнәр үзләштерә, эшчәнлек өлкәләрен тамырдан үзгәртә — һәм бу әйбәт.

Киләчәк эшегезне табу өчен минем киңәшләрем:

1.      Үз тәҗрибәң турында һәрвакыт хакыйкатьне генә сөйләү. Эш бирүче намуслылыкны кадерли һәм ялганыгызны бик тиз сизәчәк.

2.      Укырга, өйрәнергә әзер булу һәм уйлау сыгылмалылыгын үстерү — алар сезгә тиз арада яңа белемнәр үзләштерергә ярдәм итәчәк.

3.      Инициатива күрсәтергә һәм үзгәрешләр ясарга курыкмагыз. Хаталануның да яхшы икәнен онытмагыз.

4.      Тыңларга. Актив тыңлау осталыгы эштә генә түгел, тормышта да ярдәм итә.

5.      Күнекмәләрне арттыру, рәхәтлек китерүче эш башкару һәм мөмкинлекләреңне кулыңнан очкындырганга үкенгәнче, хата ясауның яхшырак икәнен истә тоту».

Гаилә психологы, Халыкара психологлар ассоциациясе әгъзасы Елена Румянцева:

«Мин беренче тапкыр Сәләт форумына килдем һәм бу лагерь гына түгел, ә үз мәдәнияте һәм гореф-гадәтләре булган, балалар үзләрен таба һәм чын профессионаллардан өйрәнә алган бер берләшмә булуына сокландым.

Минем остаханәләрем үз-үзеңне көйләү күнекмәләренә багышланган. Практик дәресләрдә без балалар белән хис-кичерешләребез белән идарә итәргә, үз-үзебезне хөрмәт итәргә өйрәнәбез.

Аралашу - хәзерге заманда бик мөһим һәм тиешенчә бәяләнмәгән осталык. Теләсә нинди корпоратив мохит - ул, беренче чиратта, кешеләр. Алар белән элемтәгә керә, уртак тел таба, командада эшли — үзеңне генә түгел, башкаларны да ишетә белү мөһим. Балалар белән сөйләшү һәм чын профессионалларның һәрвакыт нәрсәдер өйрәнүен, белем һәм профессиональлек дәрәҗәсен арттыруын күрсәтү бик мөһим.

Иң мөһиме һөнәр сайлауның җаваплы адым икәнлеген, ләкин аның гомерлек булмавын аңлау. Вакыт узу белән кызыксынулар һәм шартлар үзгәрергә мөмкин, һәрвакыт яңа юнәлештә үсә башларга мөмкин.

Дәресләрнең мәгънәсе - балага аның мавыгуларын һөнәргә әйләндерергә ярдәм итү. Әгәр дә ул шикләр белән очрашса, ярдәм итегез, бу без, олылар, балалар өчен эшли алган иң яхшы гамәл».