Bezneñ proektlarda katnaşıgız! ← kire kaytirga

Bu atnaga afişa belän tanışıyk. Bezneñ proektlarda katnaşıgız häm duslarıgıznı da çakırıgız. 

DŞ, 16.30, Sälät Yortı – «Sanak-lab» uku-ukıtu laboratoriyase, Olimpiadalı programmalaştıru. 

Däreslärne respublikabıznıñ äydäp baruçı studentları, aspirantları häm ukıtuçıları alıp bara. Programma 12-18 yaşlek ukuçılar öçen karalgan. 

DŞ-YaKŞ, selet.biz saytında «Sämrux» el premiyasenä gariza birü däwam itä. 

El saen uzdırıluçı «Sämrux» isemle Respublikaküläm sälätle balalar häm talantlı yaşlär premiyasendä «Sälät» berläşmäsen aktiw üsterüçe balalar, yaşlär, mögallimnär häm ukıtuçılar katnaşa. 

SŞ, 16.30, Sälät Yortı – «Sanak-lab» uku-ukıtu laboratoriyase däresläre. 

ÇR, 17.00, Sälät Yortı – «Sanak-lab» uku-ukıtu laboratoriyase, «3d-modelläşterü».

ÇR, 18.00 – Sälät Yortı – Respublikaküläm tatar telendäge «Bezneñ fiker» debatlar ligası. 

Töp maksatı: TR yaşlär debatların populyarlaştıru häm yaş buında tatar telenä, mädäniyatka bulgan mäxäbbät uyatu. «Bezneñ fiker» klubı yardämendä yaşlär auditoriya karşında çıgış yasarga, analitik fiker yörtergä öyränälär. Atnanıñ här çärşämbesendä 18:00dä kürenekle şäxeslär belän künekmälärdä katnaşalar. Çaralar, gadättä, master-klass, diskussiya, kwest, ostaxanälär formatında uzdırıla. 14 yaştän başlap mäktäp ukuçıları, urta hönäri häm yugarı belem birüçe uku yortlarında ukuçı studentlar biredä katnaşıp, üz fikerlären citkerä alalar. 

ÇR, 18:30 – Sälät Yortı – «Äydamannar mäktäbe» därese. 

El äylänäse eşläüçe «Äydamannar mäktäbe»:

- Sälät yortında 2 atnaga 1 ütkärelüçe däreslär;

- studentlarnıñ kanikulları wakıtında maxsus mäktäp;

- tatar tele däresläre;

- cäyge profille smenalar direktorları belän äñgämälärgä äzerlek.

PN, 16.00, Sälät Yortı – «Sanak-lab» uku-ukıtu laboratoriyase, «Sistemalı administratsiyaläü».

PN, 19:00, Sälät Yortı – «Talkış kaläwe» ingliz telendä uzuçı diskussion klubnıñ ikençe oçraşuı.

Törle temalarga dialog formatında aralaşu, filmnar karau planlaştırılgan. Spell battles, kürenekle keşelär belän oçraşular, master-klasslar da küzdä totıla. 

CM, 16.30, Sälät Yortı – «Sanak-lab» uku-ukıtu laboratoriyase, «S++ sintaksisın öyränü».

CM, 18.30, Sälät Yortı – «Sanak-lab» uku-ukıtu laboratoriyase, «Sxemotexnika».

CM, 8:30-18:00, Sälät Yortı – «Bikafest» festiwaleneñ saylap alu turı. 

«BikaFest» festiwale tübändäge nominatsiyalär buença ütkärelä:

- iñ osta awtor-başkaruçı;

- iñ osta kollektiw-başkaruçı;

- tatar xalık cırın iñ osta başkaruçı;

- tatar kompozitorlarınıñ akademik äsären iñ osta başkaruçı;

- üz äsären iñ osta yattan ukuçı (şigır, proza, ädäbi-muzıkal kompozitsiya);

- başka awtor äsären iñ osta yattan ukuçı (şigır, proza, ädäbi-muzıkal kompozitsiya).

ŞM, 17:00, Sälät Yortı – «Bikafest» festiwaleneñ gala-kontsertı. 

ŞM, 9.20, Sälät Yortı – «Bäläkäç» proektı däresläre. 

«Bäläkäç» proektı – äti-äniläre Sälättä tärbiyalängän mäktäpkäçä yaştäge balalarnı cıyuçı häm üsterüçe proekt ul. 

ŞM, 16.00, Sälät Yortı – «Sanak-lab» uku-ukıtu laboratoriyase, «Saytlar yasau».

YaKŞ, 17:00, Sälät Yortı – «Mirax» ligası künekmäse.

Däreslär «Närsä? Kayda? Kayçan?» uenı formatında uza.