«Dürtençe sänägat rewolyutsiyase öndämäläre» ekspertlar sessiyase ← kire kaytirga

Bügen Sälät yortında (Ostrowskiy ur., 23) «Sälät – Uniwersitet Talantow» oeşmaları häm Sälätneñ cäyge profille smenaları öçen sälätle balalar häm yaşlärne ezläü, tabu häm alarnı üsterü buença I Xalıkara biennalesı kısalarında, dürtençe sänägat rewolyutsiyase öndämälärenä bagışlangan ekspertlar sessiyase uzdı. Sessiyadä anıñ töp trendları, tendentsiyaläre häm öndämäläre xakında fiker alıştık. Aerım igtibar dürtençe sänägat rewolyutsiyase kontekstında keşeneñ milli täñgällegenä birelde.

Sessiyaneñ ekspertları:

- Niyaz Gafiyatullin – Kazan şähäre Duması deputatı, «Mejdunarodnaya şkola Kazani» direktorı;

- Anton Graçew – «Yugarı texnologiyalär ölkäse texnoparkı «IT-park» direktorı;

- Rabit Batulla – Tatarstan Respublikasınıñ atkazangan sängat eşleklese;

- Indus Tahirow – Tatarstan Respublikası Fännär Akademiyase akademigı;

- Färidä Näcmetdinowa – Kazan däülät agrar uniwersitetı Iktisad institutınıñ fälsäfä häm xokuk kafedrası citäkçese;

- Aydar Akmalow – «Kazanskiy otkrıtıy uniwersitet talantow 2.0» oeşmasınıñ başkarma direktorı; 

- Timur Söläymanow –  Tatarstan Respublikası ictimagıy «Sälät» yaşlär fondınıñ başkarma direktorı.

Biennalenıñ ideyase sälätle balalar häm yaşlär belän eşläüçe berläşmäneñ, Räsäy häm çit il  oeşmalarınıñ tuplangan täcribäsen urtaklaşu, gomumiläşterü häm fiker alışu öçen mäydançık buldıruga kaytıp kala.

Biennale  Tatarstan Respublikası ictimagıy «Sälät» yaşlär fondı belän Tatarstan Respublikasınıñ yaşlär eşläre häm sport ministrlıgı, «Kazanskiy otkrıtıy uniwersitet talantow 2.0» oeşması tarafınnan oeştırıla.

Anton Graçew:

- Bügen «Dürtençe sänägat rewolyutsiyase» terminın berniçä törle añlatıp bula. Minemçä, iñ uniwersal añlatma berniçä elementtan tora: genetika, yasalma intellekt östendä eşläü, yaña platformalar, biznes alıp barunıñ yaña modellären buldıru, h.b. Küp kenä protsesslar üzara tıgız bäyläneştä. Aerım däülätlärneñ üseşe turında söyläşsäk, kiläçäktä zur igtibar internet üseşe çorında tärbiyalängän buınga kaytıp kalaçak. Çönki näk menä alar yaña texnologiyalär buldıru östendä zur eş başkarırga sälätle.

Indus Tahirow:

- Bügenge cämgıyattä üzeñne ezlärgä, taba belergä kiräk. Çönki dönya alga bara, üzgärä. Anıñ belän bergä keşelek tä üzgärä. Üzgärüneñ töp säbäpçese – belem. Ilebez xakimiyate tarafınnan yaşlär üseşenä, belem aluga zur igtibar birelä. Ä sezgä, yaşlär, şuşı mömkinçeleklärne kullanıp üsärgä genä kala!