Ciñüçelärdän ciñüçelärgä ← kire kaytirga

Nihayat, irtägä G. Tukay isemendäge Tatar Däülät Filarmoniyasendä «Sämrux-2017» zarıgıp kötelgän premiyaneñ büläkläü tantanası uzaçak. 

Respublikaküläm «Sämrux» el premiyase – yözlägän sälätle balalar häm yaşlär, tanılgan şäxeslär, zur berläşmäbez ägzaları xezmätenä bäya birü, eşçänlekkä yomgak yasau, partnerlarıbız, proekt awtorları häm oeştıruçılarına räxmät süzläre äytü, kaderle maxsus sınnar belän büläkläü häm matur tantana digän süz.

«Sämrux-2017» premiyase ciñüçeläreneñ isemnäre bilgele bulgançı, bez «Sämrux-2016» ciñüçeläre belän äñgämä korırga buldık. 

«Sämrux» premiyase siña närsä birde? 

Albina Kadirowa («El direktorı» nominatsiyasendä ciñüçe): 

- «Sämrux» premiyase miña onıtılmaslık mizgellär birde. Tagın da nıgaygan duslık ceplären. Häm, älbättä, priz. (Elmaya) 

Dilärä Xalitowa («El ölkän äydamanı» nominatsiyasendä ciñüçe): 

- «Sämrux» premiyase miña üz-üzemä karata zur ışanıç kiterde. Eşkä karata karaşımnı üzgärttem, yaña köçlär taptım, ruxlandım. 

Aygöl Şakirowa («El sälkeşe» nominatsiyasendä ciñüçe): 

- «Sämrux» premiyasendä mine kürep, gorur «El sälkeşe» isemen birüläre minem öçen zur şatlık buldı. Miña ışandılar, ömetlär bagladılar, şuña kürä min dä üz köçläremä ışana başladım. Bu ciñü minem ruxımnı nıgıttı, kuygan maksatlarıma ireşergä öyrätte. 

Fännür Şäyxetdinow («El äydamanı» nominatsiyasendä ciñüçe): 

- «Sämrux» premiyase miña bik küp uñay xis-kiçereşlär birde, eçemdäge üz-üzemä ışanu xise arttı. Äydämannar yarışındamı, Sälät yortında jyuri karşındamı - här oçrakta da sin üz-üzeñne ciñäseñ, kurkular äkrenläp betä, uylagan ideyañnı çınga aşırasıñ, häm bu siña çınlap torıp oşıy başlıy! Şul uk wakıtta kimçelekläreñne kürep, üzeñne kaysı yaktan üsterergä ikänenä töşenäseñ. 

Sin katnaşkan nominatsiyaneñ üzençälege närsädä? 

Albina Kadirowa («El direktorı» nominatsiyasendä ciñüçe): 

- Direktorlar nominatsiyaseneñ üzençälege: sin duslarıña karşı katnaşasıñ. Äydamannar üzara aralaşmaska da mömkin, alar kübräk, ä başcitäklär sanaulı. (Elmaya) Bez ber-berebezne bik yakın beläbez. Bezdä alay bulmıy. Cäygä äzerlänä başlagaç, (ä ul sentyabrdan başlap): başcitäk mäktäbendä dä, äydamannar mäktäbendä dä, cäy buença kiñäşmälärdä dä - bez gel tıgız elemtädä. Şuña kürä Sämrux el premiyasenä kilep citkändä, bez inde duslaşıp betäbez. «El Direktorı» – ul duslıkka şundıy ber sınau dip tä äytep bula. Läkin, ul sınaunı ütsäñ, duslık cepläre tagın da nıgıy. Minemçä, şulay. 
Läkin, kemgä niçek inde, mäsälän bezneñ öçen Sämrux #duslarbulgaçküñelle xeştegı astında ütte. (Elmaya) 

Dilärä Xalitowa («El ölkän äydamanı» nominatsiyasendä ciñüçe): 

- Ölkän äydaman bik möhim rolnı uynıy. Ul alanda direktor häm äydamannar arasında elemtäne caylaştıra, balalarga da härwakıt zur teräk bulıp tora. Şulay itep, «El ölkän äydamanı» nominatsiyaseneñ üzençälege küpkırlı. 

Aygöl Şakirowa («El sälkeşe» nominatsiyasendä ciñüçe): 

- Här nominatsiya dä üzençälekle. Sälkeş bulu – «Sälät» baskıçında berençe, şul uk wakıtta cawaplı adım. 

Fännür Şäyxetdinow («El äydamanı» nominatsiyasendä ciñüçe): 

- Min katnaşkan nominatsiyaneñ inde şaktıy gına tarixı bar. Kalgan nominatsiyalärdän aermalı bularak, «El äydamanı» niçä elllar bue uzdırılıp kilä, ikençe törle anı "Äydamannar yarışı" dip atıylar. Ägär kalgannar «Sämrux» premiyasendä jyuri karşında gına çıgış yasasalar, äydamannar isä bik tä «kırıs» «Äydamannar yarışı»n da ütärgä tieş. Menä şunda 50 kat «ilägäçten», böten bäygelärne ütkäçten genä «El äydamanı»n bilgelilär. Bu üz çiratında keşene çınıktıra gına. 

«Sämrux-2017» dä katnaşuçılarga närsä telär ideñ? 

Albina Kadirowa («El direktorı» nominatsiyasendä ciñüçe): 

- Uñışlar! Üzegezdä keşelekne onıtmaska. Häm inde bu barı tik bäyge, nindi näticä bulsa da küñelgä yakın almagız. 

Dilärä Xalitowa («El ölkän äydamanı» nominatsiyasendä ciñüçe): 

- Iñ zur teläk – sabırlık! Bernigä dä karamastan, kaygırmagız. Bäyge bäyge inde ul, läkin çıgışıgızdan läzzät alırga öyränegez. Kübräk elmaegız! 

Aygöl Şakirowa («El sälkeşe» nominatsiyasendä ciñüçe): 

- «Sämrux-2017» katnaşuçılarına sabırlık telär idem. Sez üzegezneñ sälätle ikänegezne kürsättegez, xäzer isä tüzemle genä kötäse kala.

Fännür Şäyxetdinow («El äydamanı» nominatsiyasendä ciñüçe): 

- «Sämrux 2017» neñ saylap alu turları uzdı, ciñüçelärne bilgelädelär, katnaşuçılarga 8-nçe fewralgä kadär genä tüzäse kaldı. «El äydamannarı» gına tınıçlap yoklıy, çönki anda, bıltırgıdan aermalı bularak, inde ciñüçe bilgele. Älbättä, Sämrux koşın kemder beräü alaçak. Ämma töşenkelekkä birelergä urın yuk! Berençedän, äytep uzganımça, sez üzegezneñ eçke kierenkelekläregezne ciñep katnaşkansız – bu üze bik zur ciñü! Ikençedän, bıel bulmasa, ikençe elga! Uylap karagız, sez Sämruxta katnaşıp, küpme täcribä cıydıgız! Küpme xis-kiçereşlär! Küpme yaña duslar! Min üzem barlık nominatsiyalärne dä diyarlek karadım – bik tä oşadı, barçagız da uzläregezneñ çınlap ta bik sälätle ikänlekläregezne kürsättägez! Afärin! 

Ä bez, üz çiratıbızda katnaşuçılarga barı tik uñışlar gına teläp kalabız!